Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Banzinga

“Agu aboro dunduko ani afura naayo naida zereda du rogo zegino. Ono tie, avura namanga kindi rogo zegino. Kuti gamo berãpai, tipagine duhe ti ni nimbumbupai tipa zereda du rogo zegino dunduko?” [Oni mbu ní tipa ní karagapai.] Oni yugu gu kekeapai funi du ti kpoto gu Ngbaõbambu Sinziri nga ga Banzinga 1 kugiihe yo, na oni ki wisigi gupai nani du tii bambata sanahe na ki gedi veresi kandara sa. Oni fu gu magazini re funi, na ki mangi mbakadapai tipa ka ye berewe fuoni oni sakipai tipa gu sanahe ngbe fuo gure. Ka si du nga gu Ngbaõbambu Sinziri nga ga Banzinga 1 atadanga rogo gaoni dungurati te, oni ki mangisunge na gu vovo Ngbaõbambu Sinziri du beroni na ki bi gu Gaani Sunge Nga ga Kindo nafura tipa kparaka gu ngaha re.

Tingidapai: I nika manga gi kpiapai re ti regbo gu dunguratise nga ga sunge tungusapai rogo Banzinga 1.

Ngbaõbambu Sinziri Banzinga 1

“Ani nata areme rogo gi gaani dagbarago re ka fura na aboro tipa gupai moipai areme. Badungu aboro nagbiatiyo na gu sogote nga ga angbatunga. Ya mo mo naberãha nga ba kinaho rogo zegino adunga gu sogote ni nga ga angbatunga ya? [Oni mbu ní tipa ní karagapai.] Mo bingo wai Mbori abi aboro dunduko. [Oni gedi Amokedi 10:34.] Gi magazini re nafura tipa wai Mbori nika digiso gupai nga ga soga ngbatunga kura aboro bara sa kindi.”