Nduapai Bawe-na-ue Ani Atungusapai Ti Ni

Tipagine ani atungusa wene pangbanga ti ni na kini yugupai fu aboro? Ya mo gu bambata ndupai ani amangaha ti ni nga ka undo agu aboro du na wene ngbaduyo yo i ye kuti gene unga? (Mt. 7:14) Gure nga gu bambata ndupai gumbayo ho kusende re, ono anga si nzunzu nga gu bambata ndupai ani atungusapai ti ni na kini yugupai te. Ginigu dagba agu anduapai tangarayo 12 re mo aberãha nga si nyakipaha gbe?

1. Ani natungusapai tipa ka undo aboro i gbia bata.—Yo. 17:3.

2. Ani natungusapai ka fu zahe fu gbegberẽ aboro.—Yeze. 3:18, 19.

3. Ani natungusapai ka digiso sangba Yesu.—Mt. 24:14.

4. Ani natungusapai tipa ka yugo ga Mbori rurupai. Boro ho nika bira Mbori nga ko agbarasi gbegberẽ aboro zanga mbu regbo fuyo tipa i sa berãyo te.—Amo. 17:30, 31; 1 Tim. 2:3, 4.

5. Ani natungusapai tipa ka gasa gu bape du ti rirani nga ka undo aboro rogo toro yo, nga agu aboro Yesu angbeyo na kureko.—Rom. 1:14, 15.

6. Ani natungusapai tipa ka zanga du na bapekure ku rirani.—Amo. 20:26, 27.

7. Ani natungusapai bambiko si nga gupai si aida ani mangihe tipa ka gbia bata.—Yeze. 3:19; Rom. 10:9, 10.

8. Ani natungusapai tipa ka yugo gaani nyemuse tipa akuarani.—Mt. 22:39.

9. Ani natungusapai ka yugo nani nga ani nagiasangba Yekova na Wiriko.—Mt. 28:19, 20.

10. Ani natungusapai mbiko si nga papara gaani irisombori.—Eb. 13:15.

11. Ani natungusapai ka yugo gaani nyemuse tipa Mbori.—1 Yo. 5:3.

12. Ani natungusapai tipa ka sa rimo Mbori si du niirisiirisihe.—Yes. 43:10-12; Mt. 6:9.

Rengo ngaha nga, anga agu nduapai tangarayo re nga gu yangara nduapai ani atungusapai ti ni te. Nikpiapai, tungusapai nanyakasa gaani idapase na kini fu gu momu furani nga ani duni ga Mbori abadiasunge. (1 Kor. 3:9) Wa vura duhe wo, gu nyanyakipa ndupai ani atungusapai ti ni gu nga namba 12. Singia aboro naida na gupai ani atungusaha watadu i aidanga nani te, gu tungusapai re nasa rimo Mbori si du niirisiirisihe, na kini fu momu fu Yekova ko karagapai fu gu boro nasoapai kutiko. (Snz. 27:11) Nirengo, ani na wene nduapai berani tipa ka zanga ‘piriga ti yugopai na gbandaka wene pangbanga.’—Amo. 5:42.