Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Banduru

“Aboro naida wene zogarago areme. Mo naberãha nga gini ngbatunga zogarago rengbe ka mbakada ga aboro kpakaraapai dunduko? [Oni mbu ní tipa ní karagapai.] Mo bingo gupai gi magazini re apehe.” Oni fu gu Ngbaõbambu Sinziri funi nga ga Banduru 1, na ki wisigi gupai na ní du tii gu bambata umba riipai du ti kpewaraga 16 na ki gedi veresi kandara sa. Oni fu gu magazini re funi na ki mangi mbakadapai tipa ka ye berewe fuoni ka sakapai tipa gu sanahe ngbefuo gu oni nasakipai tipaha. Ka si du nga gu Ngbaõbambu Sinziri nga ga Banduru atadanga rogo gaoni dungurati te, oni ki mangisunge na gu vovo Ngbaõbambu Sinziri du beroni na ki bi gu Gaani Sunge Nga ga Kindo nafura tipa kparaka gu ngaha re.

Ngbaõbambu Sinziri Banduru 1

“Ani nakpinyemu ka ino gamo bipai tipa gipai re. Ka si nidu nga mo rengbe arengba ka sana Mbori na sanahe, gini sanahe ka mo nisana ko nani? [Oni mbu ní tipa ní karagapai.] Nibi gupai Yesu apehe, si ruaru ani gbata akaragapai kuti gu wene asanahe du ngbarani. [Oni gedi Matayo 7:7.] Gi magazini re na agu akaragapai rogoho Ziazia Kekeapai afuhe kuti gi nyanyakipa asanahe du biata re.” Oni yugu agu asanahe funi du bandu waraga yo ti kpewaraga 3.