Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Banduru

“Ani nata areme rogo akporo kaa fura na aboro. Badungu avunguagude naida gupai nga awiriyo kpinyemu Mbori. Ya mo oni nabihe nga avunguagude du si aida i yugupai fu awiriyo tipa i kpinyemu Mbori watadu agude du si aida i wiriki wai ka kpinyemu Mbori nitiyo?” Oni mbu ní tipa ní karagapai. Oni yugu gii gu Ngbaõbambu Sinziri yo funi nga ga Banduru 1, na ki saki gupai na ní wa sa du tii bambata sanahe na ki gedi veresi kandara sa dagba agu averesi duho. Oni fu gu magazini re funi, na ki mangi mbakadapai tipa ka ye berewe ka karagapai kuti gu sanahe ngbefuo gure.

Ngbaõbambu Sinziri BANDURU 1

“Ani nata areme ka bi aboro ni wiri guruhe tipa ka fura na yo tipa Mbori. Ani ima ino gupai nga aboro dunduko ni basasa na gayo aberãpai tipa Mbori. Ya mo oni naberã gupai nga badungu aboro nabi Mbori nga ko nga kungbo ome wa wege watadu ko nga gu bakure naberãpayo aberã? [Oni mbu ní tipa ní karagapai.] Gi veresi re nagumbapa gu ngbatunga pagume Mbori aida si du dagbarani na ko. [Oni gedi Yakoba 4:8a.] Gi magazini re na apai rogoho biata nga gu rengba ani ka mangaha tipa kadu mbembedi na God.”