Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Tanvuo

“Ani nafura areme na akuarani ni wiri guruhe. Badungu agu aboro ani nafura na yó gumba gupai nga pai sa dagba agu akpakarapai nagbia yó nga pakpio agumeyo. Ya mo oni nabihe tigaoni wo? [Oni mbu ní tipa ní karagapai.] Gipai du ane re nafu wasa fere.” Oni yugu gii gu Ngbaõbambu Sinziri yo funi nga ga Tanvuo 1, na ki saki gupai na ní wa sa du tii bambata sanahe na ki gedi kandara veresi sa dagba agu averesi duho. Oni fu gu magazini re funi, na ki mangi mbakadapai tipa ka ye berewe ka karagapai kuti gu sanahe ngbefuo gure.

Ngbaõbambu Sinziri Tanvuo 1

“Ani nata areme tipa kaa ngarasa aboro tipa i gedi Ziazia Kekeapai. Ani ima inoho nga aboro kinaho duadu na nyemu Ziazia Kekeapai, aguyo kidu a tie adunga na nyemuhe tiyo ya. Oni dagba gini aguyo? [Oni mbu ní tipa ní karagapai.] Ziazia Kekeapai nagumba gipai re tipa tihe. [Mo gedi 1 ATesaroniko 2:13.] Mo ima ida tigu kuti gupai nga ka singia Ziazia Kekeapai nzunzu aye be Mbori, si rẽarẽ tipa ani di regbo ka gedaha. Gi magazini re nafura ni wiri guruhe tipa agu apai du rogo Ziazia Kekeapai gbiati ndu gupai si aida si ngba angba ti ni tirani.”