Oni Nyakasipa Tona Wisigo Ziazia Kekeapai Rogo Bambata Rago Nzengu

Natona rogo Merekoko rogo gu garã nangia 2011, i atona ka ngarasa abatungusipai nga i naatona wisigo Ziazia Kekeapai na aboro rogo gu bambata Rago Nzengu nga ga diwi. Tipa ka undo rani ani mangi gipai re, i ambakadi gu kekeapai rogo Ngbaõbambu Sinziri du riihe nga “Agu Asanahe Ziazia Kekepai Akaragapai Kutini.” Sidu, gu dunguratise nga ga tungusapai i amangaha rogo gu bambata Rago Nzengu nga ga diwi, si naida i yugu wai rengbe ani ka mangasunge na gi papara Ngbaõbambu Sinziri re na ki mangi kpiapai.

Abaakumba rengbe ka diaberã singia i naida abatungusipai naadungura tiyo dunduko rogo gu Rago Nzengu re ku Bambu Kindo yo watadu i naadungura tiyo kina kurogo gayo abadona nga ga sunge tungusapai. Ono tie, ka si du nga badungu adungurati naye kurogo bangisa Bambu Kindo sa, ka dungurati arianga gi kparakpara uru tona wisigo Ziazia Kekeapai na aboro re kurogo gu kura uru gbua mbiko gupai nga i naida aboro dunguratiyo dunduko kurogo ba sa ya.