Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Merekoko

“Ani nata areme kaa bi aboro ni wiri guruhe tipa ka sakapai nayo riipa gi wene sanahe re. [Oni yugu gu bambata sanahe funi du gii gu Ngbaõbambu Sinziri nga ga Merekoko 1.] Gamo bipai nga gine?” Oni mbu ní tipa ní karagapai. Oni saki gupai na ní wa sa du tii gu sanahe re na ki gedi veresi kandara sa dagba agu averesi duho. Oni fu gu magazini re funi, na ki mangi mbakadapai tipa ka ye berewe ka karagapai kuti gu sanahe ngbefuo gure.

NGBAÕBAMBU SINZIRI Merekoko 1

“Ani nata areme kaa fura na aboro ni wiri guruhe bambiko dungu aboro naida ka ino gupai nika manga ku mbatayo. Ho mo aberãpa raka ni ku mbatayo, mo nidu wai? Mo nidu na kido, watadu mo nidu na bakabangirise? [Oni mbu ní tipa ní karagapai. Fuani oni ki gedi veresi sa dagba agu averesi du rogo gu sanduki nga “Gupai Mbori Nayuguhe Tipa Gupai du ku Mbatayo.”] Gi magazini re nafura tipa bete agu apai Mbori aya si nika manga na si nasaka rogo gupai yo si aida ani du ti ni na kido nga agu apai re nika manga amanga.”