Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Tanvuo

“Ani nata areme fuo gaani amurakporo ka fura na yo ni guruhe tipa wene zogarago. Ya mo mo naberãha nga zogarago ho rengbe ka dia fudifudiapai kusayo, wa gu nga zuu na akaza?” [Oni mbu ní tipa ní karagapai.] Oni tingidi gu boro re na gupai nga, rogo Ga Gbia Kpee, Yesu aya fu apefuoko i nikpari tipa gu zogarago re, nga ga Mbori Ngbii, si ye. Oni yugu gupai funi du gii gu Ngbaõbambu Sinziri yo nga ga Tanvuo, na ki wisigi gupai na ní du tii bambata sanahe na ki gedi veresi kandara sa dagba agu keyo ho yo. Oni mbu gu magazini re funi, na ki mangi mbakadapai tipa ka ndu berewe fuoni oni wisigi gu ue sanahe.

Ngbaõbambu Sinziri Tanvuo 1

“Ani nata areme kaa fura ni guruhe na gaani amurakporo tipa gu kpee Yesu ayuguhe fu gako abawiriki nga gu aboro naima inoho wenengai. [Oni gedi Matayo 6:​9, 10.] Ya mo boro asakingo pa guhe foro wenengai nga ga Mbori Ngbii na gupai Yesu afura tipaha ti ni gbe rogo gako tungusapai yo? [Oni mbu ní tipa ní karagapai.] Gi waraga re nayugo gupai Ziazia Kekeapai apehe tipa ga Mbori Ngbii na bete gu weneapai si nika ye na ni ku auru kpotosende.”