Mbakada Gaani Gene Tungusapai—Yugo Gupai Nga Ani na Nyemu Aboro Tirani

Ndu Gupai Duhe na Nyanyakipaha Ti Ni: Yesu anaabi aboro dunduko ni basasa na nyanyakipa yo, na ko anaayugo gupai ayugo nga ko na nyemu aboro tiko. Nikpipai, tigu regbo Yesu aberẽ pa gu zee naadu tigu kumba naadu na kisikisi tuko yo, ko adiko kusayo ti rimbasa aboro na ki husi ko. (Mk. 7:31-35) Ko anaaberãpa gako abawiriki ni inoko pa gayo azangarengba na nizanga ko peka dungu apai fuyo susi omeyo. (Yo. 16:12) Zavura rogo gako bangiriba du ngbangbaturũ yo, ko naberãpa aboro aberã. (2 Tim. 4:17) Wangia ani apefuo Kristo, si naida ani peke fuo gako kpiapai. (1 Pet. 2:21; 1 Yo. 3:16, 18) Kurigure, gaani sunge tungusapai nika du na wene sangbanaha ka ani aaberãpa irakporo, agu apai du tipa ni, agu apai ngbati ni, na gani abakabangirise. Irakporo ima rengba ka dega tuni ka ni ini gupai nga ani atanga gbua na kina wene pangbanga na kini fuku awaraga fu aboro te; kuba gure, ani gu duadu a na nyemu aboro tirani wadu yo nibasasa dunduko.

Wai Rengbe Boro ka Mangaha:

Mo mbakadi tiro wenengai. Mo zeredi, kini momu ti ngbaro, na kidu wa bakureani.
Mo kparia agu apai du tipa boro. Ya mo ni wa gu boro du na agude beni? ya mo sopabino ngba angba ti ni gbiati zoga anya? ya mo aida kinaho nga ga pambori ni naidi kuti ni? Ka mo ini agi apai re, mo rengbe arengba ka sa gamo tonatona fugo si ringbisitihe na agu apai du tipa ni.
Mo sana ni tipa gani berãpai, na ki degeturo wenengai ka gia gupai ni agumbaha zanga de fugo ngbani. Mo naangana ni angana tipa ka yugo gupai nga mo naagia gupai agiaha ni aagumbaha. Mo tambua ni tipa gani karagapai, na si naida gu tambuahe re du ni ndikidihe. Si aidanga mo tikango na ni te.
Si aidanga mo nye kuti bangisapai te. Si naida mo aria gamo gene tungusapai si ringbisitihe na agu apai du tipa boro ka si du nga si naida aida mo mangihe wo. Gipai re rengbe arengba ka du taata ka mangaha, bambiko gaani atrakte, aburosua, na amagazini nafura tipa dungu apai. Ka mo ini gupai nga mo ndu fuo boro ti gu regbo ni amanga kurapai ka regbo adunga beni ni bakerehe ya, si naida mo fura na ni niwiri guruhe.

Mo Asadingo Gipai re Rogo gi Diwi Re:

Ti regbo gu irisombori nga ga aborokporo, si naida oni naawirika kpia wai ka aria gene tungusapai si ringbisitihe na gupai irakporo nagumbaha gene tungusapai yo.
Ti regbo gu dunguratise du tipa sunge tungusapai, gu wirina nanungusaha rengbe ka manga kpia agu agene watadu ka fura tipa agu agene rengbe ani ka yugo gupai ngbaha nga ani na nyemu agu aboro tirani ani atungusapai fu yo.