Mbakada Gaani Gene Tungusapai—Karagapai fu gu Irakporo Naima Zinga

Ndu Gupai Duhe na Nyanyakipaha Ti Ni: Badungu agu aboro ani agbiayo gene tungusapai yo nadia rani adia kugume wenengai. Ono wa vura duhe wo, Yesu agumba gupai nga kura aboro kinaho nika soga rani asoga. (Yo. 17:14) Sidu tie, ka si iriwonga tirani ka ani gbia irakporo ni ki zingi kuti rani ya. Ka pai mangi rani wa gure si naida ani karagapai ngba gu gene nika sa ngbarago ti Yekova. (Rom. 12:17-21; 1 Pet. 3:15) Manga ani he wo nika zeresa ni ka ni andunga na paya ku mbatayo ya. Si nika manga dezirepai funi na agu aboro nika duho na ki sayo i degetuyo ka aDezire Yekova ye berewe ka tungusapai fuyo—2 Kor. 6:3.

Wai Rengbe Boro ka Mangaha:

Ka mo zinginga ya mo du gamo yee. Manga mo ho wo nika zeresa ni. Ka mo bingoho nga pai kina dagbani na mo ya. (Batu. 7:9) Si ima rengba kadu nga ni zingi mbiko kura gani pai kia watadu ani ye ti gbegberẽ regbo. Na si ima rengba kadu berewe nga ni aidanga na wene pangbanga te bambiko i aima nanga ni.—2 Kor. 4:4.
Mo karaga pai zezeredi na wene afugo. (Snz. 15:1) Ya mo mo nizingisi ni rame yo watadu mo ye bi ni ni nimangi kura gani pai kia? Wa vura duhe nga ani ahonga mbupai be ni tipa gu sunge ani amangaha te, ono ani ima rengba ka ho mbupai be ni mbiko ani ye fuo ni ti gu regbo andunga na niya. Ya mo ni zingi mbiko agu azire ni agihe tipa rani? Kangia wo duhe, mo rengbe ka ya: “Mi ima ruga tire na ndu gupai zingi mo tini. Ono tie, si na wiraha nga agu apai mo agihe tipa rani rengo nga ha te. Ya mo gene ho wa ka mi sa ki pai foro tipa rani?” Ya mo ni natikango na ida sa dagba gaani aida yo wa gu nga kusa boro kusayo rogo dungurati watadu gu du tipa kure? Mo rengbe ka ya: “Mi ima gia ti re na gamo bipai. Ya mo mo naida mi yugu mburu gaani aida foro rogo Ziazia Kekeapai?”
Ka si du nga ni ima zinga ni kerehe, mo ima rengbe ka mbu ni ki ndu zanga karaga pai. Ka ni gumba gupai foro nga ni aida nga aDezire Yekova ye berewe fuoni te, mo ima rengba ka ya funi oni nika iriso gani diaberã airiso.

Mo Asadingo Gipai re Rogo gi Diwi Re:

Oni asadi manga gipai re rogo gaoni iriso Mbori nga ga aboro kporo.
Fuo mbu oni gu irakporo naima zinga re, oni saki wai ka oni karagapai fu gu boro re ngba wene gene na gu boro oni nakuru na ni.