Mbakada Gaani Gene Tungusapai​—Yugokpia Wisigo Ziazia Kekeapai Rogo Gu Buku Nga Ziazia Kekeapai Ayugoho

Ndu Gupai Duhe na Nyanyakipaha Ti Ni: Badungu aboro agianga tiyo na gupai ani agumbaha ho ani aya ni we ani nawisigo Ziazia Kekeapai na aboro gbua te. I rengbe ka berãha tigayo nga ani naida i koditiyo kuti badona aboro tipa wisigo Ziazia Kekeapai watadu ani naida i naaye fuo rani tipa wisigo Ziazia Kekeapai si kidu wa ka i ya sukuru du i andu ku rogoho. Kuba gupai gbua nga ani pepa wisigo Ziazia Kekeapai, si adu niwenepai ani yugukpia wai ani naawisigo Ziazia Kekeapai na boro. Vuru umba regbo yo, zavura ngbadimo kporo, ani ima rengba ka yugo wai fu boro duhe taata tipa ka wirika Ziazia Kekeapai.

Wai Rengbe Boro ka Mangaha:

• Fuo fu mo sene fu irakporo na ki yambu rimoro, mo sana irakporo singia ni nabaka bangirini tipa raka ku mbatayo.

• Mo gumba gupai funi nga badungu aboro du na kina agu abakabangirise re, na ki yugu gu riiapai funi du rogo gu buku nga Ziazia Kekeapai Ayugoho. Mo gumba gupai funi nga gu buku re na taata apai rogoho tipa ka giarogoyo na ki gumba gupai funi nga si nayugopai furani tipa agu apai nika manga ku mbatayo gbiati gu kura apai, na ki sana ni tipa gu kapita ngba tiní.

• Mo tai gu buku re funi na ki yugu bara gu kapita ni nisiaha re. Mo saki gupai funi nga agu asanahe i nasanaha ti tonatona gu kapita re, i karagapai kutini rogo agu agenewaraga naye re.

• Mo hopai beni ni gedi bambata genewaraga ka gene du beni. Mo ki sana gu sanahe du tipa gu genewaraga re na oni ki gbata karagapai na ni wa sa tipa gu sanahe re. Mo zaki agu averesi du rogo gu genewaraga re nga gu nasongoda karagapai na ki sakipai na ni riipaha. Mo yugu wai funi mo nagbakihe tii gamo akaragapai rogo gamo buku.

• Oni gbisi kuti gu kura genewaraga ngbe fuo gure, ono bara gere, mo sana ni tipa ni asadi ka fu karagapai kina rogo afugo ni yo.

• Mo tambua ni, na ki mangi mbakadapai tipa ka ye ka nyasa gu wirikapai re.

• Ka si du nga si rẽarẽ, mo yugu gu vidio funi du rogo gu gaani bangiriba nga ga Internet nga jw.org du rimoho nga Wai Du I Naawirika Ziazia Kekeapai?

Mo Asadingo Gipai re Rogo gi Diwi Re:

• Mo kpari fu Yekova tipa ko fu maku kurii gamo asadatise tipa ka tona wisigo Ziazia Kekeapai na boro.​—Frp. 2:13.

• Mo asadi ka yugongo kpia wai ani awisigopai na aboro rogo gu buku nga Ziazia Kekeapai Ayugoho, watadu mo yugu gu vidio nga Wai Du I Naawirika Ziazia Kekeapai? kandara bara sa ho oni atungusapai ni.