Atingidapai Tipa Bakere Dunguratise

◼ Ringbisapa Regbo: Dunguratise nikaa tona saa 9:20 rogo agu aʹuru biata re dunduko. I nikaa zazaka angbadimo saa 8 nga ga wiso. Ho manzigo nika tona ni, ani dunduko si aida ani sungu rii gaani abasungo tipa ka tona dunguratise wa sa na akuarani ngba iriiri gene. Dunguratise nika digo Rago Bisue na Rago Nzengu nyemu saa 4:55. Ono tipa Rago Poso, si adigo nyemu saa 3:50.

◼ ‘Ani Tambua Yekova na Bia’: Gu ga Mbori aboro nadu mbata kusayo anaatambua Yekova na abia, na abia kindi nga nyanyakipa pai rogo irisombori areme a. (Tam. 28:7) Ani naatona gaani bakere dunguratise wiso na woro manzigo gbiati gu paparaha nga ga bebere uru a. Anga kungbo manzigo ngaha te ono i mbakadihe tipa si mbakaditirani ani gbia gu inohe du tipa Yekova na ki irisiko. Sidu, ho basungu-rii-kiti amanga tingidapai ni nga woro manzigo ima mbeda ka tona, gure nga si naida ani sungu rogo abarani na kini degeturani kuti woro manzigo angianga kaa fura ya. Manga ani he wo nika yugo gupai nga ani nabi gu ome agu awirina nata agi amanzigo re amangaha na nyanyakipaha. Agi awirina re nandu ngba gayo marã bara ue rogo garã yo ku rogo gu bagbata nga Patterson, New York yo tipa ka kusa gi wene amanzigo re furani ani gbia ngbarago behe. Fuo dega ani turani kuti woro manzigo, si naida aboro dunduko koditiyo ka tambua Yekova ni bi yo agu abia nga ga Kindo.

◼ Pa Rugusa Aũnduge: Rogo agu aba dunduko nga ga gaani kikindigi adunguratise kina rani angera kurii agu aba du tipa rugusa aũnduge, marã ho i naadiaha ba-rugusa aũnduge yo te, ono wa duhe nga nunguru baperembatayo naagberãnga te, sidu, agu aboro nika ye mbata nika gbia ba tipa ka rugusa gayo aũnduge. I nika undo gbarĩgbarĩ aboro aundo i rugusi gayo aũnduge rogo gu ba re.

◼ Dika Basungo: Ho oni andu ni ka dika basungo wiso, ka oni zunongo ho azuno na akuaroni ya. Ho ani ambu gaani apai ni na ki peresi pa akuarani mbatayo, si nayugo gupai fu agu aboro nabi rani nga ndikidi aKristano nga ani na si kini ye na taarimo fu Yekova. (Yo. 13:34, 35; 1 Kor. 13:5; 1 Pet. 2:12) Boro rengbe ka dika basungo fu kina agu aboro ní aye na yo gene sa watadu ní asungo na yo sa kporo na agu aboro ní awisigo Ziazia Kekeapai na yo. Wa duhe nga abasungo angenga ange wa pai te, ka si du nga borokaza ho watadu gbinza boro nga guni si aida i ngere angerafuo ni, boro sa gbua watadu aboro ue rengbe ka sungo pati ni.

◼ Iriiri Votise: Si naida gaani vo roko du ni iriirihe ti regbo bakere dunguratise, angianga ka yugo gu gbegberẽ vo roko nga ga zegino ya. (1 Tim. 2:9) Zavura ho du ani ni rogo bambu rame ti marã, si naida gaani vo roko du ni iriirihe ho ani akura ni ku zegi yo ka ongoda. Si nika sarani ka zee mangingo rani ti vo gaani karete nga ga bakere dunguratise ya, na ka zee amanganga rani ka manga dezirepai ho ka ani gbia mamu ni a ya. Gaani wene vo roko na mangaapai nika sa agu aboro du na wene ngbaduyo yo i gi gu pangbanga nga ga bata du rogo Ziazia Kekeapai, na si ki fu ngbarago fu Yekova.​​—Zef. 3:17.

◼ Wene Mangasunge na Erekturoni: Ani nayugo irisa ti regbo bakere dunguratise ni maa ani woro gaani aterefuni watadu kura erekturoni kusende tipa ka si gbenga berã aboro ya. Ho oni amangasunge ni na kamera, agu ahe i adia vidio na ni, watadu kura ngbatunga erekturoni, si naida oni berẽpa kura aboro ni zanga oni gbeberãyo watadu ka kiso gene beyo. Ani nayugo irisa a ni zanga ani keka apai na terefuni ti regbo bakere dunguratise.

◼ Riahe Nga ga Bebere Uru: Ani nahõpai beroni, oni di gaoni riahe kina kporo yo nga gu oni nika rihe bebere uru, angianga ka mbu ba dunguratise ka ndu ka gbata riahe rogo kura rago ti regbo ongoda ya. Si naida oni ndu na riahe rogo guhe ka i moihe amaa kutii basungo yo, angianga ka ndu na ni rogo gu badugbo he nika ka aka na gene be aboro ya. Si aidanga oni di riahe na basombe watadu rogo gu ũtinda ahe i ambakadihe rogo gizaza te, si ka kpi kpataha ki ogo boro.

◼ Agamahe: Ani rengbe ka yugo gaani tambuahe tipa bakere dunguratise nifu ani gu gamahe naye kina boro ngbaduraniyo tipa gu sunge awirina amangaha rogo zegino dunduko. Ani rengbe ka fu gu gamahe re Bambu Kindo yo watadu ti regbo bakere dunguratise. Ka si du nga boro fu gu waraga i naakusa marã na ni beenge yo ni gamahe ti regbo bakere dunguratise, si naida i ke kina rimo gu riigbu ti ni awirina amangasunge na ni rogo gaoni dagbarago nga Jehovah’s Witnesses of South Sudan.

◼ Ngua Kaza: Ka si du nga ngua kaza ho oni naadiaha, si naida oni yeaye na ni mbiko si adunga ba bakere dunguratise yo te. Agu ambereke i aru aboro na ami, si naida i ba ra ku rogo gu ba ka ami arungo boro rogoho ya, si aidanga i ba ra ku rogo gu ũgugudo nga ga bakere dunguratise te.

◼ Bandatise: Oni bandatironi ti agu ahe rengbe ka sa roni oni zerenge watadu oni koto ki ti. Rogo agarã ni basasa dunduko, wo aboro ahoka be gu ngbatunga arakata i avodaha, gbe gu du na gbanga gbanga agidoho. Si naida ani sia gu rakata nika sa rani ani naandu andu wenengai nga gu ka boro vura si kina mbia na ni ka pai amanganga ní ya.

◼ Wene Fuõ Anzeme: Ani naamanga kura gaani kikindigi adunguratise tii gu bambu kina amakana azeresa rago rogoho. Ka singia ngbatunga gu rago re du du oni rogoho, si ayugongo nyemuse ka oni mbedi agu anzeme nafũ afũ gbe te, mbiko si rengbe ka zingisa kaza kuti agu aboro nawoka be kaza-onga na gu kura akaza.​—1 Kor. 10:24.

◼ Pefuo Boro: Si naida oni mangisunge na gu fuomu nga, Please Follow Up (S-43) tipa ka kekapa agu apai rogoho du tipa gu boro nadu na nyemu rengo tiní nga guni oni amangi dezirepai funi ti regbo bakere dunguratise. Oni rengbe ka fuka agi afuomu re fuo hiiso oni he fu agu aboro namangasunge Bambu Abuku yo watadu fu gu bakeapai nga ga gaoni dungurati fuo nyasa bakere dungurati.

◼ Abambu Ririahe ti Marã: Si naida ani taasirimo Yekova rogo gaani wene sino mangapai ti gu regbo ani ari riahe rogo abambu ririahe ti marã. Gaoni votise duadu ni iriirihe.

◼ Bambu Rame ti Marã:

(1) Ka oni dikanga avurubambu susi gu oni aidaha nzunzu ya, na ka oni idinga ha fu aboro i sungu vuru gaoni bambu susi gu bange aboro si aidaha ya.

(2) Kangia oni nika mbupa dika bambu, oni tingidihe nibasa fu airabambu.​—Mt. 5:37.

(3) Ka sunge adunga tironi na ũtura atindiro ya, ka oni dinga ha baha ya. Ka oni mangisunge na ni, oni karagaha nibasa tipa kura aboro rengbe ka mangasunge na ni.

(4) Ka oni manginga riahe rogo gu vurubambu i aidanga pa manga riahe rogoho ya.

(5) Oni mbu wiri marã fu agu aboro namanga agu asunge du rogo gu bambu re na aˈuru dunduko, na ho i atinda gaoni atindiro ni.

(6) Ka oni gbarasinga pa gu riahe nga ga wiso nga gu i afunga ha ti marã furoni ya, ngbatunga gudu wa buni, fofoi ime, nga gu i afuhe fu agino tipa si undo yo ho du yo ni rogo bambu rame ti marã.

(7) Oni yugu zuzu toro rogo gaoni mangaapai na agu aboro namangasunge rogo gu bambu re. Badungu aboro du beyo i angerafuo yó, i adu na ngbarago ka bi rani ka ani amangapai na yo rogo weneringise, zerangbaduse, na ni ruruhe.

(8) Ka si du nga kpakarapai gbia roni na gaoni bambu rame ti marã, si naida oni tingidihe fu gu Basunge Nga ga Bambu Rame ti gu regbo oni kadu ba dunguratise yo.

◼ Agu Aboro Naida Ka Undo Sunge: Agu aboro naida ka undo sunge, si naida i fu rimoyo ku rogo gu Basunge Du Tipa agu Aboro Nafutiyo ka Undo Sunge. Agu agude du garãyo 16 na kusende, i ima rengba ka fubee a tipa ka undo sunge, ono si naida i mangisunge sa na kina avunguyo watadu gu ngangara boro avunguyo naidihe i mangisunge na ní.