“Agi Apai re, . . . Si Du ku Kpotoroni Yo”

Avungu agude wakina ababanda akandoro. Si naida i ngerefuo awiriyo wenengai, i ka ndu kaa ngbuo angbuo na ki bitikpa. (Snz. 27:23) Wai avunguagude narengbe ka ngerafuo awiriyo? Si naida i naadia regbo kaa fura na yo naˈauru dũ tipa ka ino agu apai du berãyo yo na ngbaduyo yo wenengai. (Snz. 20:5) Avungugude, si naida oni yugo agu apai fu awironi du wa agu ahe ka we abisongo ho ya tipa ka nyakasa gayo idapase. (1 Kor. 3:10-15) Gu vidio nga “These Words . . . Must Be on Your Heart” nayugopa wai nyakipa manga gu irisombori nga ga aborokporo dedede. Oni bihe wasa na gaoni aborokporo, na ki saki agi asanahe du kusende re.

(1) Ginipai nasa gupai nga ka ga Roman aborokporo dunga wenengai rogo toro yo ya? (2) Ti tonatonaha, tipagine ko aadunga ti ni na diabese rogo nungusa gu irisombori nga ga aborokporo ya? (3) Gini adiandue nga ga toro ko amoihe nasa gupai nga ko du na diabese ka sonosa awiriko? (Pa Rug. 6:6, 7) (4) Ginipai rengbe ka ye na wene fugo dagba aborokporo? (5) Gini apai agude aidaha gbe be avunguyo? (6) Waigu gu wirina nga Barrow na diako aundo ga Roman aborokporo rogo toro yo? (Snz. 27:17) (7) Gini ambakadapai si aida bariikporo ima mangaha tipa gu irisombori nga ga aborokporo du na wene sangbanaha ti ni? (8) Waigu Roman amangi ariapai rogo gu gene i anaamanga gu irisombori nga ga aborokporo ngbaha? (9) Tipagine nyakipa manga gu irisombori nga ga aborokporo ti ni dedede? (Ef. 6:4) (10) Gini kura aberãpai rengbe ka ngba tipa gu irisombori nga ga aborokporo? (11) Wa Roman avura du na zerangbaduse, wai ko adu nyanyaki ho ko aundo Marcus ni tipa ko ini nyakapa manga gupai du ni ruruhe? (Yere. 17:9) (12) Waigu aRoman na diako asakipai na Rebecca tipa ka undo ri ri mangi wene diaberã nibipa gu bakure naadu dagbari na Justin? (Mk. 12:30; 2 Tim. 2:22) (13) Wai ko gbiati diako ayugu idapase ho i amangi ariapai ni rogo gayo raka? (Mt. 6:33) (14) Waigu gi vidio re anyakasapa gupai nga abariikporo naangera angerafuo gayo aborokporo rogo toro yo? (1 Tim. 5:8) (15) Wangia mo bariikporo, gamu diaberã nga gine?

GI KEKEAPAI RE FU ABARIIKPORO: I amangi gi drama re rogo gu bakere dunguratise nadu rogo 2011. Ya mo oni abingo agu apai si aidi oni mangi ariapai rogoho rogo gaoni irisombori nga ga aborokporo? Na awere? Ka si dunga aariapai kinaho si aidaha, oni kpari fu Yekova ko undo roni oni mangi agu ariapai re tipa gaoni aborokporo gbia undo nyeanye kindi.​—Ef. 5:15-17.