Mo Undo Gamo Aborokporo I Tingidipa Yekova

I afu gu sunge fu Yeremaya nga ga fu zahe fu aYudo tipa gu gbarasa he nga gu naaye ka manga barambeda bambiko bangiriyo aima go ti Yekova gayo Mbori. (Yere. 13:25) Wai du gu riko aboro re ati ku rogo gi kerepai nga ga toro re? Agu rii akporo nangia ga aYisaraere aima zera rogo toro yo. Si tie ziazia nga, abariikporo aapeka nga fuo gu rugapai du ni kekehe rogo Pa Fu Rugute ni Ue he 6:5-7 te.

Agu aborokporo du nyanyaki rogo toro yo nafubee kuti pa du dungurati ni nyanyakihe areme. Abariikporo rengbe ka undo gayo aborokporo tipa i nitingidipa Yekova ni mangayo gu irisombori nga ga aborokporo dedede nga gu du na rogoyo ti ni. (Tam. 22:27) Fuo oni bi gu vidio nga “Agi Apai Re . . . si du ku Kpotoroni Yo”—Family Interviews, oni karagapai kuti agi asanahe re:

• Wai gu du bete kura aborokporo adu na diabese kuti sovura kuti agu akpakarapai nga ga irisombori nga ga aborokporo?

• Gini bete aundo duho ti gu mbakadapai nga ga manga gu irisombori nga ga aborokporo dedede nga gu du na rogo yo ti ni?

• Ni bipa gu irisombori nga ga aborokporo, gini akpakarapai mi agbia tire na ni, na wai rengbe mi ka mangapai sa gipai re?