Mo Yugu Wene Mangaapai Ngbadimo Kua Boro

AKristano nga “aũ ngana he fu zegino.” (1 Kor. 14:⁠9) Sidu tie, ka ngbarani zerenga ka bi gupai nga irakporo nabi rani abi ti bangiri bambu watadu gii ngbadimo yo ya. Kporo ima rengba ka du na kamera gbiati makorofoni nga gu nasa irakporo ni bi rani, ni degetuni kuti gupai ani apekaha, na ka de fugorani. Agene du re tipa ka yugo wene mangaapai ho du ani ni ngbadimokporo.​—⁠2 Kor. 6:⁠3.

GA MO MANGAPAI (Frp. 1:​27):

• Mo yugu irisa tipa ga irakporo gbugbuapai angianga kaa hika ku kpuni yo ya. Ka mo ringa he, mbirahe, ka fura na boro rogo terefuni, watadu ka kepai fu boro, ho du mo ni ngbadimo kua boro ya

GAMO AFUGO (Ef. 4:​29):

• Ho du mo ni ngbadimo kua boro, ka mo penga gupai nga gu mo aidanga irakporo gihe ya. Kura abatungusipai ni naakpinyemu ka mbu fugo tipa ka maa berãyo tipa gupai i aida ka gumbaha fu irakporo

Gini kura agene rengbe mo ka yugo wene mangaapai ngbaha ngbadimo kua boro?