Mbakada Gaani Gene Tungusapai​​—Tona Wirikapai na Boro ni Mangasunge na gu Burosua Nga Gu Wene Pangbanga Naye be Mbori

Ndu Gupai Duhe Ti Ni na Nyanyakipaha: Tipa ani sa aboro ni abawiriki, si naida ani du ni abayugu Fugo Mbori. (Mt. 28:19, 20) Ani dunduko rengbe ka du ni wene abayugu rengo ka ani mangisunge na agu aũsunge i nafuhe furani. I akusi gu burosua nga Gu Wene Pangbanga Naye be Mbori tipa si undo rani ani yugu rengo fu aboro. Ani ima rengba ka tona wirikapai na irakporo rogoho ti gu bambata regbo ani nabi ni.

Wai Rengbe Boro ka Mangaha:

• Oni fugu gu kpiapai du rogo sanduki.​—Oni bi gu Gaani Sunge Nga ga Kindo nga ga Marungu 2013.

• Ka bangiro gonga ti maa gamo burosua ku mangu yo ya. Mo rogoho ni dunguhe tipa ka kparakaha.

• Oni wisigi genewaraga sa watadu ue na ni, na oni ki sungu tipa aminiti bawe watadu kusende ti ni.

Oni Asadi Gipai Re Rogo gi Diwi Re:

• Oni kpari fu Mbori tipa ko undo roni oni du na nyemu ka wirikapai na aboro. Oni sana Yekova ko undo roni oni tona wirika Ziazia Kekeapai boro, na ko undo roni oni du ni wene abayugupai nga ga rengo yo.​​—Frp. 2:13.

• Ti regbo gaoni irisombori nga ga aborokporo watadu wisigopai nisase, oni di regbo ka wirika wai rengbe oni ka tungusapai. Oni ima rengba ka fura na aboro ba tungusapai yo zanga gunde na ki tona wirika Ziazia Kekeapai na yo.

[Gu sanduki du ti kpewaraga 1]

Ho Oni Atungusapai ni Kporo na Kporo:

“Mi niye fuoro mbiko badungu aboro areme nabakabangiriyo tipa wari gi zegino re andu ka digo ni. Ya mo mo nabihe nga apai aʹariatihe? [Oni mbu ni tipa ni karagapai.] Badungu aboro kina ngbayo azera ka ino gupai nga Ziazia Kekeapai na gu wene pangbanga rogoho nga gu nafu maabangirise furani. Gere nga bete agu asanahe Ziazia Kekeapai akaragapai kutini.” Oni fu gu burosua re fu ni, na ki mbu ni ni sia sanahe nga gu ngba tini dagba gu du ti kpotoho giihe yo. Oni ndu na ni nibasa kuti wirikapai, na ki yugu wai funi i amangaha. Oni mangi mbakadapai tipa ka karagatise fuoni ka wisigo gu sanahe du fuo gu oni namangihe rogo gu wirikapai re.