Oni Raba yo I Naamangasunge Kindi fu Yekova

Kpiapai nayugo gupai nga, gu vovo abatungusipai nga aguyo i aima raba yo kina ti tonatonaha tipa i naakura dedede gene tungusapai yo zaza naye ka nada ni wene abatungusipai. (Snz 22:6; Frp 3:16) Bete aberãpai gere riipa wai rengbe mo ka undo bawiriki Ziazia Kekeapai tipa ni sonosi wene bipai tipa tungusapai:

• Nibasa tifuo gamo bawiriki Ziazia Kekeapai da ni batungusipai, mo tona ka raba ni. (km 8/15 kpe. 1) Mo rimisi nyakapa kura gene tungusapai yo na aposo dunduko ku ngbadu ni yo. (Frp 1:10) Mo niifura ni wenehe tipa gu dagbarago oni atungusapai rogoho. (Frp 4:⁠8) Mo ngarasi ni tipa ni mangisunge na babiapai nga ga abadona gbiati kura abatungusipai tipa ni gbia undo ti gayo inohe.​—⁠Snz 1:5; km 10/12 kpe. 6 genewa. 3

  

• Tingbafuo gamo bawiriki Ziazia Kekeapai zi bapatiza, ka mo mbunga ngarasa ni na raba ni gene tungusapai yo ya, gbe ka si du nga ni aanyasanga gu buku nga “Ga Mbori Nyemuse” te.​—⁠km 12/13 kpe. 7

  

• Mo mangisunge na gu yugopai du taata ho mo amangasunge ni na vovo batungusipai. Fuo mo bi wai ni nitungusipai, mo fu tambuahe fu ni. Mo fu aberãpai fu ni nga gu nika undo ni tipa ni du ni wene batungusipai.​—⁠km 5/10 kpe. 7