Oni Raba Vovo Aboro I Ini Wai Ka Tungusapai
1. Ginipai namangi roni ti gu bambata regbo oni andu ka tungusapai?
1 Ya mo oni natingida gu bambata regbo oni andu ka tungusapai nitanga nani ti akoro? Zanga kapa, oni aima du nawiri gunde. Ka si du nga oni aatungusapai na gu boro oni anaawisigo Ziazia Kekeapai na ní watadu kura batungusipai, oni aima duna ngbarago ka bi ní ní niundo roni. Awere tie, wa duhe nga oni ima da niga Mbori abamangisunge na ki ima duna inohe, si naida oni raba vovo aboro tipa i ini wai ka tungusapai.
2. Gini apai si aida vovo abatungusipai wirikihe?
2 Si naida vovo abatungusipai wiriki wai ka tona fugo na airakporo, wai ka mangasunge na Ziazia Kekeapai rogo akporo, wai ka karagatise fuo boro, na wai ka wisigo Ziazia Kekeapai na aboro. Si naida i ini wai aino rengbe yó ka tungusapai rogo kura aba, ngbatunga gu duwa bangiri agene na ba bagaahe yo. Oni rengbe ka undo yó rogo agi abangiri aba re ni maa oni wene kpiapai gbiati fu aberãpai fuyó.
3. Wai rengbe gaani kpiapai ka undo kura aboro?
3 Oni Yugupai na Kpiapai: Yesu aima yugokpia wai fu gako abawiriki si aaida i tungusipai. (Ruka 8:1; 1 Pet. 2:21) Ho oni amanga mbakadapai ni tipa ka tungusapai na vovo batungusipai, si naida oni mbakadi gu tonatona fugo na boro du niwiri taataha nga gu rengbe gu vovo batungusipai re arengba ka wirikaha, isoke nimanga oni sunge na gu berãpai du rogo gaani abuku. Fuo gure, oni tungusipai rogo gu bambata kporo watadu gu uehe tipa gu vovo batungusipai re bi wai oni afura. Ho oni akura ni rogo kporo ka ndu kurogo gu kuraha, oni sana ní tipa ní pe gupai ní aberãha nibi pa wai oni naatungusapai. Manga oni he wo nika saha funi taata tipa ní ini ndu gupai ngba tungusapai ti ni na kura abatungusipai na ki undo a tipa ní degetuni kuti agu aberãpai oni ka fuhe funi.
4. Wai rengbe ani ka undo vovo batungusipai fuo dega ani turani kuti gani tonatona fugo na boro?
4 Oni Fu Aberãpai: Yesu afu arugute afu fu gako abawiriki nibipa wai si aida i tungusipai. (Mt. 10:5-14) Oni rengbe ka undo gu vovo batungusipai re kinawo. Ho daha ni nga ní du si ida ní fura, oni degeturoni wenengai. Fuo guari oni ho, oni tambua ní tipa gu wene apai oni nibihe, ka si vura du nga kura apai kinaho si aida ni mbakadihe rogo gani yugopai vurũ. Mbata fu oni undo ní, oni rengbe ka mbu ní ní tungusipai rogo kura kporo tipa ka bihe singia ní nika mbakada gani yugopai. Isoke, si rengbe kadu nga kungbo gunde gbua ni naamanga ní. Si naida oni ini gupai aino nga, anga abatungusipai dunduko duna kina bangisa tandu mangaapai te, na dungu agene rengbe aboro ka mangapai ngbaha si kidu kindi nikina ruruhe.—1 Kor. 12:4-7.
5. Ginipai rengbe ani ka gumbaha ho ani aida ka fu berãpai?
5 Ti kura aregbo, vovo batungusipa rengbe arengba ka sanahe tipa oni undo ní. Ono ka ní asananga he ya, ka oni ongonga aonga ya, oni undo ní aundo. Wai gu rengbe oni ka mangi gipai re rogo birĩ yo? Agu batungusipai duna inohe rengbe ka sanahe taata nga, “Ka mi undo ro na berãpai?” watadu, “Mo nabihe nga mo nimangihe wai?” Kura gene rengbe oni ka gumbaha ngbaha nga, “Ho mi adu ni nivovo batungusipai, si anidu fere ni kpakarapai ka . . . , ono gupai naundo re angia. . . .” Ti kura aregbo, si ngba angba ka gbata berãpai rogo gu buku nga Reasoning na ní wa sa. Mbiko ka oni afuranga afura funi susi ome ya, ono oni fu berãpai funi kina tipa gupai si naida oni undo ní tipaha.
6. Nibipa sunge tungusapai, wai gu ‘marã abeda marã’?
6 Marã Nabeda Marã: Wa Timoteo avura du niwene batungusipai, Pauro anyakasi ko ki ya ko ko fu tiko sa gedapai na yugopai na kini sono kumbatayo. (1 Tim. 4:13, 15) Ka si vura du nga, dungu agarã ima susa wa oni atona tungusapai, si aidanga oni mbupa gaoni sona kumbatayo rogo birĩ tungusapai te. Oni wirikipai be agu abatungusipai oni naatungusapai naayó, zavura be aguyo duna umba inohe rogo sunge tungusapai yo, na kini undo kura aboro, gbe, vovo abatungusipai tipa i dani agu abamangisunge fu Mbori nga ga wene pangbanga yó.—Snz. 27:17.