Wai ka du ni Wene Bawiriki Ziazia Kekeapai

Ya mo mo nakpinyemu ka ru nyanyaki rogo aasada wa gu Daniere adu? Daniere awisigi Fugo Mbori kakaka, kodihe na gu dudunguroapai nga ga sangbaanebi. (Dan 9:2) Pa wisigo mo Ziazia Kekeapai kakaka rengbe ka undo ro mo banda gamo padu ni ruruse. Wai rengbe he ka du wo? Si rengbe ka kiiso gamo idapase kuti ga Yekova akidohe nga si ni ka da ada ti rengo. (Yos 23:14) Si rengbe a ka kiiso gamo nyemuse tipa Mbori, nga gu nikaa fõ ro tipa mo naamanga gupai du ni wenehe. (Tam 97:10) Wai gu rengbe mo ka tonaha? Mo bingo agi aberãpai re.

• Ginipai si aida mi wisigihe? Wene wisigopai dedede nakoda mbakada apapara adunguratise dũ. Mo rengbe na gbia undo gbe ti gu geda Ziazia Kekeapai nga ga aposo ka mo di regbo ka manga wetekapai tipa agu apai mo agianga rogoho yo ya. Kurigure, kura aboro nasia ka manga wetekapai gbe tipa asangbaanebi, apapara zuzu toro nga ga Mbori, gu nunguro nangia ga gu mokedi nangia Pauro watadu ga Mbori kusikusi ahe. Ka mo tingidipa veresi nga gu du mo na sanahe riipaha, mo kehe sande, ki moihe ni gupai mo nika wisigopai tipaha ti regbo gu gamo wisigopai nika ye.

• Wari gu rengbe mi ka gbia apai ni? Tipa ka ino kura abangiriba, mo bi gu vidio nga, Ũsunge Wetekapai Tipa ka Gbia Agu Aũkumuko Nga Toro. Tipa ka ino pa gamo inohe, mo mangi wetekapai tipa agu anyarinde narukuba agu aringara naadu na bakere ome kisusi rogo zegino i nafura tipa ra rogo Daniere kapita 7.

• Bagizo regbo wai si aida mi dihe kuti wisigopai? Wisigopai dedede nga rifungura tipa padu wenengai rogo toro yo. Mo rengbe ka tonaha ni dia mo regbo ni wiri guruhe kuti wisigopai, ka si rengbe, mo ki tona kiisoho tooni tooni. Wisigo Fugo Mbori wakina gbata okõokõ ũkumuko; kina wai mo agbiaha, kinawo a mo nika du na nyemu kaa gbataha berewe gbe! (Snz 2:3-6) Gamo nyemu wisigo Fugo Mbori ni ka kio akio, na wisigo Ziazia Kekeapai dedede nika ye ki da ni gupai mo nikaa mangaha rogo gamo raka dedede.​—1Pet 2:2.

GINIHE AGU ANYARIINDE DU ROGO DANIERE KAPITA 7 ARUKUBAHA?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

KURA ASANAHE:

Wai gu Daniere kapita 7:​8, 24 adigisitihe?

GUPAI MI NIKA WIRIKAHA KUMBATAYO:

Ginihe agu anyarinde du pa ra rogo Yugoti kapita 13 arukubaha?