Mbakada Gaani Gene Tungusapai​—Karagatise Fuo Boro

NDU GUPAI DUHE TI NI NA NYANYAKIPAHA: Dungu agu aboro nayugo nyemupai tipa gu pangbanga nga ga Kindo nagbata rengo tipa Mbori. (Yes 55:6) Tipa ani yugu dungu apai fuyo, si naida ani karaga tirani berewe na berewe. Aboro nagbiatiyo na kpakaraapai ni bakiakia, gu gene ani ka sonosa gayo nyemupai ngbaha nika du ni bakiakia a. Ono tie, ani rengbe ka du na diabese gbe, ka ani mbakaditirani wenengai kidu na gu sásá berani nga ga tona wisigo Ziazia Kekeapai ti gu regbo ani akaraga tirani fuo boro.

WAI RENGBE BORO KA MANGAHA:

• Mo asadi ka karagatiro nibasa fuo bete arame.—Mt 13:19

• Mo du wa bakure na kini yugu irisa. Ka mo mangingo pai gbakirigbakiri ya

• Mo tonaha na sene esuesu. Mo mangisunge na rimo ni. Mo tingidi ni na ndu gupai mo niye ti ni, si ngia ka karagapai kuti ga ni sanahe, ka fu vovo magazini, ka yugo gaani bangiriba nga ga Internet, ka yugo vidio, watadu ka yugo wai ani naamanga wisigo Ziazia Kekeapai na aboro. Mo aria gamo afugo ka si dunga ni fura tipa kurapai kia nga gu ngba tini.—Frp 2:4

• Mo tudi gu tunga rengo mo arũhe kpotoni yo ni yugo mo gupai Ziazia Kekeapai agumbaha watadu ka mbu waraga fu ni. (1Kor 3:6) Mo asadi ka sonosa wene pagume na ni

• Mo gumba gupai funi oni nika fura tipaha ti gu regbo mo nika ndu berewe fuoni