Oni Tambua Yekova na Ngbarago na Bia

APauro na Sira atambua Yekova na bia ho i adu ni bambukiso yo. (Amo 16:25) Kango ti ni te nga bi bia aima undo yo tipa i hipai. Ginipai du tipa rani areme? Agu abia du tipa irisombori na kura abia ima rengba ka nyakasa rani na ki undo rani tipa ani nye ni rururani ho du ani ni rogo asada. Gu susi asusa nga, abia natambua Yekova. (Tam 28:7) I angarasi rani nga ani wiriki ka bi bete agu abia re ngba rirani. Ya mo mo asadi ka mangaha wo? Ani ima rengba ka wirika abia na ka ino afugoho ti regbo gu gaani irisombori nga ga aborokporo.

ONI BI GU VIDIO NGA, AGUDE ONI TAMBUA YEKOVA ROGO BIA YO, NA FUOHO, ONI KI KARAGAPAI KUTI AGU ASANAHE DU KUSENDE RE:

• 

  Gini wene sangbanapai rengbe bi agu abia nga ga Kindo ka du na ni kurii rani?

• 

  Wai gu agu aboro nade abia na avidio ambakada tiyo tipa ka de fugo agu aboro nabi bia?

• 

  Wai gu agude na gayo aborokporo ambakada tiyo tipa i de fugoyo?

• 

  Gini abia nga ga Kindo ngba tiro gbe, na tipagine?