Berãpai Tipa Wisigopai
Mo Ini Afugo Gaani Abia Ngbariro
“Agu auru mi nidu na bakere gberãrago tipa tire, Yekova ninaangarasa re vurube gu gaani abia du rogo JW Terevizioni®.”—Lorraine, Amerika.
AKristano aima digo ni bi abia tipa kaa tambua Mbori. (Koro. 3:16) Ka mo ini agi abia re ngbariro, si ima rengba ka undo ro zavura ho mo nikaa du nga ni na buku bia watadu gu du rogo aterefuni ya. Mo asadi agi aberãpai re tipa si undo ro mo zi abia kuriro yo.
Mo gedi afugoho sirisiri tipa ka rugatiro na rogoyo. Ka mo rugutiro na rogopai yo wenengai, si nadu taata gbe foro mo tingidihe. Afugo gaani abia dunduko kodihe, na kparakpara abia gbiati abia tipa rukutu agude kinaho rogo jw.org. Mo ngere tii gu paparaha nga Library, na mo ki ndu ku rogo Manzigo.
Mo ke afugoho sande na bero. Gipai re nika undo ro ni bakerehe mo tingidihe.—Pa Rug. 17:18.
Mo naawirika kaa bihe na fugoro kuari. Mo naageda afugo gu bia re watadu kaa bihe dedede.
Mo asadi ka bi pa bange abia wai mo atingidaha. Mo asadi ka tingida afugoho zanga mo bihe abi, na ki bi he singia mo inihe wenengai ngbariro.