Mbakada Gaani Gene Tungusapai​—Rugusa Wisigo Baibiri na gu Bawirikipai Aidanga ka Manga Sonakumbatayo Ya

NDU GUPAI DUHE TI NI NA NYANYAKIPAHA: Si naida aboro yambuhe ti rimo Yekova tipa ka bata (Rom 10:13, 14) Ono tie, anga agu aboro dunduko naida ka wirika Ziazia Kekeapai naida ka raka kuti agu apai Yekova akpinyemuhe te. Ani namanga sunge wenengai na gaani regbo gene tungusapai yo ni asada ani ka undo agu aboro naida nzunzu ka manga aˈariapai tipa ka sa ngbarago ti Yekova. Ka si du nga bawiriki Ziazia Kekeapai amanganga sonakumbatayo vuru gbanga regbo yo te, si naida ani rugusi gu wirikapai re ki mangisunge na gaani regbo tipa ka undo agu aboro Yekova agbeyo koyo du ko ni na koyo du gako riigbu ni. (Yo 6:44) Ono tie, ka gu boro re mangi ariapai ki yugu gupai nga ‘i aima ringbisa ni sa nyenye unga,’ ani nadu na ngbarago ka tona wirikapai na ni berewe.—Amo 13:48.

WAI RENGBE BORO KA MANGAHA:

• Mo tambua gu bawirikipai re tipa gu nyemupai du ni na ni tipa ka gbia ndikidi inohe.—1Tim 2:4

• Mo pe pa gu ndupai funi duhe ti ni ni nyanyakipa pai tipa ka manga gupai ni awirikaha.—Rk 6:46-49

• Mo sana ni tipa gupai naká na ni ti manga agu apai ni awirikaha.—Mt 13:18-23

• Mo sakirogo gupai yo funi rogo birĩ yo mo arugusa wirikapai ti ni na ni

• Mo pe gupai funi nga mo nikaa yamba ni dedede tipa ka ngarasa ni na tipa ka tona wirikapai na ni berewe kumbatayo ka ni mangi sonakumbatayo

ONI BI VIDIO, NA FUOHO, ONI KI KARAGAPAI KUTI AGI ASANAHE DU KUSENDE RE:

• Ginipai oni nawirikihe be gu fugodagbase ninaayugo gupai nga bawirikipai aamanganga sonakumbatayo rogo toro yo te?

• Wai gu batungusipai aundo gu bawirikipai re ni ini gupai nga si naida ni mangi aˈariapai?

• Wai gu batungusipai ayugu gupai nga ko na nyemu ka tona wirikapai ka gu bawirikipai re du na nyemuhe berewe?