Yekova Nakpinyemu Agu Aboro du ni Gigiri Yo

“Mo zundu bero. Mo girisi gamo bambu. Mo wege vurukporo. Mo uka biriko ku gugudo yo.” Badungu avunguagude nayugo wai fu awiriyo rengbe yo kadu ni gigiri yo ti kpotoyo. Ono tie, agu aberãpai avunguagude ayugoho fu awiriyo tipa girisotise naye be Yekova. (Gate 30:18-​20; Pa Rug 23:14; 2Kor 7:1) Ho ani abanda kpotorani ni ni gigirihe gbiati gaani ahe, ani naye na taarimo fu Yekova. (1Pet 1:​14-​16) Na ginipai tigaha du tipa kpurani gbiati gu rago du pati rani? AKristano kia ti agu aboro nabafa andukurõ ime (akontena) bangiri agene gbiati agu aba aboro asungo rogoho kaa ongoda, kuba gure, i namanga ome nyanyaki tipa ka banda kpuyo nga kpotosende si du ni gigirihe. (Tam 115:16; Yugo 11:18) Zavura rukutu apai wa gu nga bafa kisi arawa (mbombo), akopo soda, watadu gu arawa i arira ari ima rengba ka yugo gu sino du ani na ni tipa giriso rago. Rogo gaani raka yo dunduko, si naida ani “nimbakadi rimorani, wa amangipa Mbori.”​—2Kor 6:​3, 4.

ONI BI GU VIDIO NGA, MBORI NAKPINYEMU AGU ABORO DU NI GIGIRI YO, NA FUOHO, ONI KI KARAGAPAI KUTI AGI ASANAHE DU KUSENDE RE:

• Gini andu apai rengbe kura aboro ka pehe nga si du nasayo ka i bandanga gayo ahe ni gigirihe ya?

• Wai du ga Moize aNdiko ayugo gu bipai du Yekova na ni tipa girisotise?

• Wai gu rengbe ani ka ye na taarimo fu Yekova zanga ani fura afura?