Bakio Wai du Mo Abi Fugo Mbori na Nyanyakipaha?

Baibiri na agu aberãpai gbiati afugo rogoho nga ga Yekova Mbori, du nga Baenge ke gi ziazia buku re. (2Pet 1:​20, 21) Baibiri nafu gu maabangirise fu aboro dunduko nga fuo bete regbo, raka nika du ni bawenehe kisusi, ho si anyakasa pa dia gbarasarimo kusayo ni ti ga Mbori bakere pagbia vuru be gako kindo. Berewe a, Baibiri nayugo pa gu wene asino du ti gu Barani du ngbangbaturũ yo nga Yekova.​—Tam 86:15.

Ani dunduko ni basasa nabi fugo Mbori na nyanyakipaha tipa nduapai ni bakiakia. Ono ya mo ani nayugoho nga ani nabi gi wene gamahe re na nyanyakipaha ni geda ani he na aˈuru dunduko na kini mangi gupai ani agedaha rogo gaani raka yo? Gaani mangaapai yugungo gupai ayugo nga ani na kina gu bangisa bipai bake papara Atambuahe adu na ni nga gu ko naya: “Ako, nyemu ga rugute namanga re amanga ni rengo!”​—Tam 119:97.

ONI BI GU VIDIO NGA, I ABI ZIAZIA KEKEAPAI NA NYANYAKIPAHA​—PAPARAHA (WILLIAM TYNDALE), NA FUOHO, ONI KI KARAGAPAI KUTI AGI ASANAHE DU KUSENDE RE:

• 

  Tipagine William Tyndale asa papara Ziazia Kekeapai ti ni?

• Tipagine gako manga ome ka sa Ziazia Kekeapai adu ti ni ni baiiriwopai?

• Wai gu i andu na gu Ziazia Kekeapai Tyndale asaha ku ringara aNgirisi yo rogo gbuko yo?

• Wai gu rengbe ani ni basasa ka yugoho nga ani nabi Fugo Mbori na nyanyakipaha?