Gaani Bangiriba Nga ga Internet—I Ambakadihe Si Undo Rani na Kura Aboro
Yesu arugu rani ki yawee ani tungusi gu wene pangbanga nga ga Kindo “rogo zegino dunduko mbiko ndika fu arikaaboro dũ.” (Mt. 24:14) Tipa ka undo rani ani mangi gi sunge re wenengai, gu gaani abangiriba nga ga Internet nga watchtower.org, jw-media.org, na jw.org, i ima kodaha dunduko ki mbakadihe sa nga jw.org.—2 Tim. 4:5.
“Rogo Zegino Dunduko”: Sa rii biata nga ga agu aboro du auru kpotosende namangasunge na Internet. Si ima da nigu bambata he badungu aboro agbia apangbanga rogoho, gbe paranga aboro. Gaani bangiriba nga ga Internet nafu agu akaragapai nga rengo kuti agu asanahe nabipa agu apai du rogo Ziazia Kekeapai. Si naundo aboro a i rugutiyo naapa ga Yekova riigbu na kini saha taata fu aboro i sanahe tipa boro ye ka yugo Ziazia Kekeapai fuyo. Gi gaani bangiriba re nasa gupai nga wene pangbanga da rogo agu arago auru kpotosende adunga aboro rogoho na momu beyo gbe tipa ka gia gu pangbanga nga ga Kindo ya.
“Arikaaboro Dũ”: Tipa ka manga dezirepai fu “arikaaboro dũ,” si naida ani yugu rengo rogo dungu afugo. Agu aboro nandu kurogo jw.org, i rengbe ka gbia apai yo rogo afugo wa 400, susi kura abangiriba dunduko nga ga Internet.
Oni Mangisunge Nani Wenengai: Gu gaani bangiriba nga ga Internet nga jw.org si tipa kina manga dezirepai fu azangaidapase sa te. I ambakadihe tipa aDezire Yekova nimangisunge amanga nani a. Ka si du nga mo naamangasunge amanga na Internet, mo asadingo ka inido tiro wenengai na jw.org. Bete aberãpai gi du kusende re tipa wai ka mangasunge nani.
[Diagram on page 3]
(For fully formatted text, see publication)
Mo Asadingo Ho
1 Mo rimisi www.jw.org kurogo gu ba adresi nga ga Internet rogo gamo kompiuta.
2 Mo norõ he rii abangua riipai yo na kura apaparaha tipa ka weteka gu bangiriba re.
3 Mo asadi ka zaka jw.org rogo gu tooni kompiuta nga ga bee watadu gu terefuni nazaka Internet azaka. Kina gu bangisapai nazaka rogo bakere kompiuta, si nazaka rogo gu rukutu ahe re.