Wai ka Tona Fugo na Atrakte

Natona rogo Ngi 2018, i atona kusa akpia wai ka tungusapai ti kpoto Waraga Dunguratise Nga ga Gaani Raka na Sunge. I ima ngarasa rani ani moi berãrani kuti fura na aboro kuba gupai gbua nga kaa fu awaraga fuyo. Tipa ka undo abatungusipai i inidi tiyo na gi gene tungusapai re, agu avidio nga ga kpia wai ka tungusapai ima yugo wai rengbe yo ka tona fugo ni manga yo sunge na kina Ziazia Kekeapai. Ya mo gipai re nayugo gupai nga si aidanga ani mangi sunge na awaraga ho ani atungusapai ni kporo na kporo te? Wagusa te! Ni kpiapai, manga sunge na atrakte ima rengbe ka du ni wene gene ka tona fugo na boro. Ani rengbe arengba ka mangasunge na gupai du kusende re ho ani amangasunge ni na ai trakte dagba agu atrakte du berani:

1. Mo sana agu asanahe du ti kpotoho.

2. Mo yugu ga Ziazia Kekeapai karagapai du rogo agu averesi du ti ue kpewaraga. Ka regbo du, mo gedi agu apai du vuru gu trakte re na ki sakipai tipaha.

3. Mo fu gu trakte re fu irakporo, na ki ngarasi ni ni gedi agu apai du rogoho naabaha ti gani regbo.

4. Mbata fu mo guari, mo yugu gu sanahe du tii gupai nga “Mo Berẽnga Kurii Gipai Re” na ki mangi mbakadapai tipa ka saka gu karagapai nga ga Ziazia Kekeapai ti gu regbo ka mo karagatiro berewe.

Ho mo nika karagatiro ni berewe, mo sakipai tipa karagapai na ki mbu ni na gu kura sanahe mo nika sakapai tipaha ho mo nika karagatiro ni berewe. Mo ima rengba ka sia sanahe rogo gaani bangiriba nga ga internet watadu rogo gu waraga i nape paha gii gu trakte re. Ti gu regbo rẽarẽ, mo fu gu burosua funi nga Gu Wene Pangbanga Naye be Mbori! watadu gu kura waraga rogo gaani Aũsunge Nga ga Yugopai.