Da Mi Nika Yamba Ni?

Rogo agarã dunduko ni basasa, ani naamanga asadatise ka yamba aboro rogo gaani dagbarago i ye kadu na ani pati Tingida Pakpio Yesu. Badunguyo nga agu aboro ani ainongo yo ya. Si naida aida a ani yambu agu aboro ani naini yo. Agu aboro nagbia yambahe be agu aboro i naima ino yo nayeaye dedede tipa Tingida Pakpio Yesu. (yb08-E kpe. 11 genewa. 3; kpe. 14 genewa. 1) Ada nga bete agu aboro rengbe mo ka yamba yo?

• Agumero

• Agu aboro mo amangasunge na yo watadu aguyo dumona yo sukuru yo

• Amurakporo

• Agu aboro mo akaraga tiro fuoyo na agu aboro mo awisigo Baibiri na yo awere gbiati aguyo mo anaawisigoho na yo mbata

Kurigure, abaakumba nika yamba agu aboro naima zera rogo toro yo. Na ka si du nga gu boro mo naini ni re arakanga rogo gamo dagbarago te? Mo rengbe ka gbata gu regbo na gu ba Tingida Pakpio Yesu nika manga ti ni rogo gu ba du ni rogoho ni nora mo he rii AGU APAI DU TIPA RANI rogo jw.org, na ki sia “Tingida Pakpio Yesu.” Wa mo ambakada tiro tipa gu Tingida Pakpio Yesu nga ga gi garã re, mo berẽpa agu aboro rengbe mo ka yamba yo, fuoho, mo ki mangi mbakadapai tipa ka yamba yo.