Mbakada Gaani Gene Tungusapai—Manga Dezirepai na Terefuni

NDU GUPAI DUHE TI NI NA NYANYAKIPAHA: Manga dezirepai na terefuni nga nyanyakipa gene ka ‘tungusa wene pangbanga.’ (Amo 20:24)a Si naundo rani ani mangi dezirepai fu gu boro ani arengbanga ka gbia ni ya.

WAI RENGBE BORO KA MANGAHA:

• 

  Mo mbakadi tiro. Mo sia wene riipai. Fuoho, mo ke agu pai mo aida ka gumbaha. Mo ima rengba a ka mbakada wiri gurupai nga gu nasakapai tipa ndu gupai mo nayambu he ti ni ka si du nga irakporo pati gani terefuni te. Si ni wenepai ka sungo pati mbisa na gu waraga mo ni keke agu apai rogoho mo aida ka gumbaha na gu kura ahe mo nika idaha, wa gu nga terefuni na JW Library^® watadu jw.org^® rogoho ni zakizakihe

• 

  Mo fura zezeredi. Mo fura kina wai mo naafura. Mo du na mongo ti ngbarago na kini yaki abero wa ka i ya gu boro re nabi ro abi. Ka mo naarugusa nga fugo arugusa kindi ya. Si ni wenepai ka mangasunge na kura aboro. Ka irakporo fu sanahe, mo pe gu sanahe re kuari tipa gu boro du mo na ni undo ro tipa ka gbia karagapai kuti gu sanahe re

• 

  Mo moi mburupai tipa karagatise. Ka gu boro re yugu nyemupai, mo ima rengbe ka mbu ni na sanahe nga gu mo nika karagapai kutini ti gu regbo mo nika yamba ni berewe. Mo ima rengba ka keda waraga funi rogo e-mail, ka ndu na ni funi, watadu ka keda boro na ni funi. Mo ima rengba ka keda gaani vidio funi watadu kekeapai rogo terefuni watadu e-mail. Ho daha ada ni, mo gumba kura apai funi rogo gaani bangiriba nga ga Internet