“Ka Mi Bingo Ni Kporo Te!”

Ya mo mo apenga pai wo gure tipa gu boro nayugu nyemupai? Ka si vura du nga mo ima asada ka dogoda fuo boro bara dunguhe, mo arengbanga ka tuda gu tunga mo arũ he te. (1 Kor. 3:⁠6) Ti kura aregbo, agu abatungusipai du na inohe ni naake waraga fu gu boro i arengbanga ka bi ni kporo ya, watadu i nambu kekepai ti wiri waraga ngbadimo kpuni. Kura abatungusipai ninaasanahe tipa ga boro namba terefuni ti gu regbo i abi ni ti bambata regbo, I naasana gu ngbatunga sanahe nga, “Ka mi kepai foro rogo terefuni nga mi naye, si du wai?” Ho ani akaraga tirani ni berewe fuo boro watadu ho ani amanga dezirepai ni berewe na boro rogo keke waraga, yambahe rogo terefuni, kepai funi rogo terefuni watadu ke wiri waraga ki mbuhe ngbadimo kpuni, ani ima rengba ka kehe nikaragatise fuo boro rogo gaani tingidapa sunge tungusapai. Ka si vura du nga si ima mbu ani bi boro kporo, ani ima rengba ka sonosa gani nyemupai.