Oni Yugu Nyemuse Rogo Gaoni Ngbadimokporo

Nyemuse nga gu dada nazio aborokporo kurogo ba sa. Ka nyemuse adunga ya, aborokporo nika sota asota tipa ka banda kodatise gbiati gu toro nga ga mangaapai kina sa. Wai gu rengbe kumbakudee, diakumba gbiati avunguagude ka yugo nyemuse rogo ngbadimokporo?

Gu kumbakudee du na nyemuse nikaa maaberãko fuo ga diako azingo, gari abipai gbiati gari ngbarago. (Ef 5:28, 29) Ko nikaa ngera fuo gu zingo nga gako aborokporo rogo borose yo na rogo toro yo, kodihe na manga gu Irisombori Nga ga Aborokporo dedede. (1Tim 5:8) Gu diakumba du na nyemuse nikaa ra ni gori fu kumbari na ki “nigunde agunde” tiko watadu kini yugu dudunguro irisa fuko. (Ef 5:22, 33; 1Pet 3:1-6) Si naida arogotise du na nyemu ka mbupai dagbatiyo. (Ef 4:32) Agu avunguagude du na nyemuse naberãpa awiriyo nibasasa na kini yugupai fuyo tipa i kpinyemu Yekova. (Pa Rug 6:6, 7; Ef 6:4) Gini akpakarapai awiriyo agbiatiyo na ni sukuru yo? Wai gu i asovura kuti soapai be akurase? Ho du nyemuse ni rogo ngbadimokporo, aborokporo dunduko nadu na ngbarago na kidu ni bandabanda yo.

ONI BI GU VIDIO NGA, ONI YUGU GU NYEMUSE ADIGONGO YA ROGO GAONI NGBADIMOKPORO NA FUOHO, ONI KI KARAGAPAI KUTI AGI ASANAHE RE:

• 

  Wai gu gu kumbakudee du na nyemuse ariga diako na kini biri na nyanyakipa ri?

• 

  Wai gu gu diakumba du na nyemuse ayugo dudunguro irisa fu kumbari?

• 

  Wai gu agu avunguagude du na nyemuse arimiso Fugo Mbori ku kpoto awiriyo yo?