Oni Mangisunge na gu Burosua Gene Tungusapai yo Nga Mo Raki Nyeanye Kindi na Ngbarago!

Nairiwo gu ngbarago du ani na ni tipa kadu na vovo burosua gbiati buku tipa kaa nungusa wisigo Ziazia Kekepai na aboro! Ani nakpara fu Yekova ko fu maku kurii gu ome ani amangaha tipa ka sa dungu aboro ni abawiriki. (Mt 28:18-20; 1Kor 3:6-9) Waigu rengbe ani ka mangasunge na gi vovo ũsunge re?

Wa duhe nga gu gene i awirikapai na boro ngbaha rogo gu burosua nga Mo Raki Nyeanye Kindi na Ngbarago! kia, oni pekefuo agi arugapai re ho oni kaa mbakada tironi ni tipa ka ndu ka wirika Ziazia Kekeapai na boro.a

• Mo gedihe, na ki sakipai tipa asanahe

• Mo gedi agu averesi i na kepai tipaha nga “mo gedihe” na ki undo gamo bawiriki Baibiri ni ini wai rengbe ni ka mangapai kuti ni

• Oni moi vidio na ki sakipai tipaha nimanga oni sunge na agu asanahe i nafuhe re

• Oni asadi kaa nyasa wirikapai dunduko ti regbo wisigopai

Gene tungusapai yo, si naida oni fu burosua mbata ka ino gu nyemupai nga ga boro. (Oni bi gu sanduki nga “Wai ka fu gu Burosua Nga Mo Raki Nyeanye Kindi na Ngbarago! ti Regbo Ndu Fuo Boro Ti Bambata Regbo.”) Ka oni nyasi wirika gu burosua re na bawiriki Baibiri na ni kidu na nyemu ka wirikapai kindi, mo fu gu buku re funi na oni ki tonaha ti wirikapai 04. Ka si du nga mo aima tona wirikapai na boro rogo gu buku nga Yugoho Furani watadu Nye Rogo ga Mbori Nyemuse Yo, oni mbuhe na ki tona wirikapai rogo gu buku nga Mo Raki Nyeanye Kindi na Ngbarago! na mo sia wari si aida oni tonaha ni.

ONI MOI GU VIDIO NGA ANI NA DIARO KUGUME TIPA GAMO WISIGO ZIAZIA KEKEAPAI, NA FUOHO ONI KI KARAGAPAI KUTI AGI ASANAHE RE:

• Ginipai bawirikipai nika wirikaha rogo gi vovo buku re?

• Tipagine si aida mo yugu gi vidio re ti ni fu vovo bawirikipai?

• Gini asasa si aida mo ngarasi bawirikipai tipa ni moihe na ki da ti ni?—Oni bi gu kekeapai nga “Meme Apai na Asasa Tipa Apaparaha ni Basasa”