Oni hi Agu Akpakarapai Nga ga Zingo Mosoro na Wingbaduse

Raka rogo gi yangara areme re ima hii be dungu akpakarapai. Wa ani kaa mbeda kuti gi digido zegino re, apai nikaa kpakara kina kumbatayo. Ti kura aregbo, zingo kura ahe ima rengba ka manga rani. (Abak 3:16-18) Ginipai nika undo rani ani hi agu akpakarapai nga ga zingo mosoro na wingbaduse? Si naida ani naandu kindi kumbatayo kaa kido kuti gaani Mbori nga Yekova. Ko ima kidohe ka ngerafuo gako amoyambu, na ko rengbe ka fu guhe furani ani aidaha ti ai regbo.—Tam 37:18, 19; Eb 13:5, 6. 

Gupai rengbe mo ka mangaha:

• Mo sana Yekova tipa gako rugapai, tatamana, na gako undo.—Tam 62:8

• Mo du regerege ka manga gu sunge mo amanganga ha mbata ya.—g-E 1/10 kpe. 8-9, asanduki watadu g-F 10/1 kpe. 8-9, asanduki

• Mo naamanga gamo apai nga ga toro, kodihe na geda Fugo Mbori dedede, ndu tipa agu adunguratise nga ga dungurati, na kini mangisunge tungusapai

ONI MOI GU VIDIO NGA ONI DUA GU BAMBU NIKA RAKA ARAKA—ONI RENGBE KINA “BE AGU AHE DU BERONI,” NA FUOHO ONI KI KARAGAPAI KUTI AGI ASANAHE RE:

• Gini akpakarapai gu kura aborokporo agbiatiyo na ni?

• Ginihe nyakipaha rogo raka yo?

• Waigu rengbe ani ka undo agu aboro nagbiatiyo na akpakarapai nga ga zingo mosoro?