RAKA NI AKRISTANO
Mo Naabi Tiro wa gu Yekova Abi Ro
“Rago nangba ti Yekova tipa gako aboro.” (Tam 149:4) Wa vura duhe nga ani nga kpakpa aboro, ko nabi gaani wene asino abi gbiati agu apai du ani na rengba ka mangaha kumbatayo. Ono ti gu kura aregbo, si ima rengba kadu ni kpakarakpakaraha furani tipa ani du na gu ruru bipai re tipa tirani. Ani ima rengba kaa bi tirani nga sunge tirani te mbiko gu gene kura aboro amangapai na ani ngbaha. Watadu, ka ani amaaberã rani kina kuti gu ingahe ani amangihe kusayo, ani ima rengba kaa tiko singia Yekova rengbe nzunzu ka kpinyemu rani. Ginipai rengbe ka undo rani ho du ani ni na ngbatunga agi abipai re?
Mo tingidi gupai nga Yekova nabi agu apai ka aboro abingo ho ya. (1Sam 16:7) Gere nayugo gupai nga ko nangera kini bi agu apai kurogo rani yo ka ani abingo ho ya. Ani na tambuahe nga, Baibiri naundo rani ani rugutirani na wai Yekova abi rani. Ani rengbe ka rugatirani na gipai re ho ani ageda agu averesi ni du rogo Baibiri gbiati agu apangbanga nayugopa bakio wai Yekova nakpinyemu airisiko.
ONI MOI GU VIDIO NGA MO ZOMIA KPOTOROYO BARANGBA YEKOVA, FUOHO, ONI KI KARAGAPAI KUTI AGI ASANAHE RE:
Ginipai gu kpiapai nga ga bagude na gu wiriko naora oto abangiro ayugoho furani tipa wai Yekova abi rani?
Ka gu boro mangi kere ingapai mangi adiandue tipa ka mbakada gani pagume na Yekova, waigu rengbe ni ka zomia kpotoni yo barangba Yekova?—1Yo 3:19, 20
Waigu gu wirina re nigbia undo ti berãko kurii agu apangbanga nga ga Davide na Yosafata?