Aboro Dunduko—Naida Gayo Raka du ni Wenehe Kumbatayo

Ono tie, badungu aboro nakapa akapa singia i araka gu ngbatunga raka i aidaha kumbatayo. Apai wa gu riri kaza nga Korona ima manga na ki gberesi gu gene aboro araka ngbaha, si ima ye na rungo na ki imi dungu aboro. Mbiko gipai re, aboro nabakabangiriyo nga gayo raka adunga kumbatayo ni wenehe te.

Wa duhe nga aboro ainongo gupai nika manga tipa yo kumbatayo te, i na gbata guhe rengbe ka undo yo i du na wene raka kumbatayo. Kura aboro naberã gupai nga, apai namanga fu aboro rogo raka yo mbiko momu. Badungu aboro nandu tipa wirikapai na kini gbata aũkumuko, kini berẽ gupai nga agi apai re nika undo yo i gbia guhe i aidaha. Kura aboro naberã gupai nga, pa mangayo weneapai fu kura aboro nika sayo i raki wene raka.

Ya mo pai ho dagba agi apai re rengba ka sa ro mo raki gu raka mo aidaha? Tipa ka rugatiro na ni, si naida mo sana tiro na agi asanahe re:

• Ginipai nzunzu rengbe ka saro mo gbia wene raka kumbatayo?

• Ya mo wirikapai gbiati marã rengbe ka sa ro mo du na gu kido nga mo nika du na wene raka kumbatayo?

• Ya mo pa manga mo wenepai fu kura aboro rengbe ka sa raka ro kumbatayo si du ni wenehe?

• Wari du rengbe mo ka gbia agu arugapai ni rengbe ka undo ro mo du na wene raka kumbatayo?

Gi Ngbaõbambu Sinziri re nika undo ro mo gbia akaragapai kuti agi asanahe re.