Mo Mangi Wisigopai Na ki Fura Tipaha na Kura Aboro

Ho ani awisigo Baibiri ni, ani nagbia ngbarago na kidu wenengai, ono ani ima rengba ka gbia bakere ngbarago ho ani afura ni tipa gu nyanyakipa apai nga ga toro nga gu ani agbiaha na kura aboro. Asanza 11:25 naya: “I nisuka age ku akoro akura ra yo.”

Ho ani afura ni tipa agu apai ani awirikaha na kura aboro, ani ima rengba ka tingidapa gu memeapai ani awirikaha taata na ki dungurosi gaani rugatinapai kusa. Na si nasarani ani du na ngbarago tipa ka fura tipa gu nyanyakipa apai nga ga toro na aboro mbiko ani ini ya si naundo yo aundo.​—Amo. 20:35.

Mo asadi nga gipai re: Rogo gu poso naye re, mo ngere nga tipa momu tipa ka fura na gu kura boro tipa gupai mo na wirikihe. Mo ima rengba ka manga gipai re na gamo aborokporo, boro rogo gamo dungurati, kuaro basunge yo, kuaro sukuru yo, gamo murakporo, watadu gu boro mo nagbia ni gene tungusapai yo. Mo asadi ka fura tipa gupai re kina rogo fugoro yo na si kidu taata tipa boro gi tini na ni.

Gupai si aida mo tingidihe: Mo fura na gu kura aboro tipa gupai nga gu mo awirikaha tipa ka ngarasa yo, ono angianga ka yugoho fuyo nga mo na inohe kisusi yo ya.​—1 Kor. 8:1.