Zereda Rogo Zegino—Tipagine Duhe ti ni ni Mbumbuhe ka Gbiaha?

Ga Ziazia Kekeapai karagapai

Gu ome aboro amangaha tipa ka ye na zereda adunga na diabese te na si adunga na diabese a te mbiko dungu nduapai:

• “Gu boro nata, pa ruga gani apai si rogo ni yo te.” (Yeremaya 10:23) I aakusanga aboro na gu rengo beyo nga ga zoga tiyo te, sidu, i arengbanga ka ye na nyenye zereda te.

• “Ka mo kidongo kuti agu abarumbatayo nga aboro ya; wiri boro arengbanga ka batasa ro te. Ho i akpi ni, i nakaraga tiyo ku nvutu yo; ti gu uru re gayo aberãpai dunduko nadigo.” (Atambuahe 146:3, 4, Good News Translation) Zavura agu abangbembatayo rogo zogarago du na wene bipai arengbanga ka ye na gupai nika dia vura kusayo te.

• ‘Rogo kusa rago gbegberẽ rago aye. Bambiko aboro adu ni . . . airaerã, akpi nga nyemu wene pai ya, airabiriki, airanyakari, airaabiatise.’ (2 Timoteo 3:1–4) Ani naraka ti “kusa rago” watadu yangara arame nga ga gi gbegberẽ zegino re, nga gu regbo sino aboro asaha ni bakpakarakpakaraha tipa ka gbia zereda.

• “Rungo du fu kpotosende na baime, bambiko bakitingbanga azorõ koyo du oni ni na bakere zinga, bambiko ko ini he ya kina bete rago nye fu ko.” (Yugoti 12:12) I ima kiso bakitingbanga, nga vura Mbori ku auru kpotosende no na ko nasosoda aboro tipa i pekefuo gako gbegberẽ mangapai. Wa du ko kindi ni “gbia [bazogo] gi zegino re,” ka ani raki nga rogo zereda te.—Yoane 12:31.

• ‘[Ga Mbori Kindo] akúadi agu angbi [nasovura kuti Mbori] rukutu ki digisi he dunduko, si ki nye anye kindi.’ (Daniere 2:44) Ga Mbori Kindo, angianga gu zogarago nga ga aboro ya, nika mbisa gaani nyemupai tipa nyenye zereda rogo zegino.—Atambuahe 145:16.