Mo ki Mbakadi Pai Dagba Ro na Wirinamo Mbata—Ngba Gini Gene?”

Mo berẽnga gupai nga mo naraka Gariraya yo ti regbo Yesu. Mo ndu ku Yerusarema yo tipa ka manga Pumbo Abasura. Bakporo hi be awirinamo nga aKristano naye tuturũ. Mo naida ka fu motumo fu Yekova. Mo kini ye na meme ngbabe ro, mo kini asadi tiro dagba badungu mekemeke arago nga ga bakporo tipa ka da Yekaru yo. Fuo da mo yo, mo ki bi gupai nga Yekaru ima hi be aboro nga aguyo naida ka fu gayo motumo a. Ni yangaraha, si kini da tiro tipa mo fu gamo meme fu aboromotumo. Ti gu regbo re, mo kini tingidi gupai nga wirinamo nga gu ni naima rengba ka du dagba ndurumo aboro watadu bakporo yo na pai kuti ro. Yesu ape gupai si aida mo mangihe. (Oni gedi Matayo 5:24.) Wai gu rengbe mo gbiati gu wirinamo du na pai kutiro re ka mangapai si ye na zereda awa Yesu agumbaha? Rogo gi gbakigbaki ahe du ku sende re, mo gbahe ti gu karagapai du ni ruruhe.

SI NAIDA MO . . .

• fura na wirinamo kina gu ka mo bi gupai nga ni na rengo beni tipa ka du na gberãrago na mo

• asadi ka ruga gu berãpai nga ga wirinamo ka mo bihe nga ni nazinga ni ipo watadu ka bira ni tipa gu kpakarapai re

• degeturo wenengai ho wirinamo afura ni, na ka si vura du vurũ nga mo agianga rogo gupai yo wenengai ni apehe te, si naida mo hõmbupai kina boro ngbaduro yo tipa imisa ni watadu tipa sangbana gamo mangaapai

SI NAIDA WIRINAMO . . .

• gbata undo be awirina rogo dungurati ni pe ni pa wai mo na mangi ni gbegberẽ

• gbarasi rimoro ni gumba gu futufutuapai dunduko mo amangihe, na kini sa ro mo idi gu ingahe re dunduko

• ini gu umbasitise gbiati wingbaduse mo adihe tipa ka ye fuoni, na ki mbupai kina boro ngbaduni yo

Wa vura duhe nga gaani irisombori areme akodanga fu anya ni motumo te, gine nangia ga Yesu yugopai tipa gu kodatise du dagba du ani na zereda na awirinarani gbiati gu iriso Mbori aidahab?