Awetekapai Tipa Waraga Dunguratise Nga ga Gaani Raka na Sunge
NGBANGBA 4-10
AŨKUMUKO ROGO FUGO MBORI YO | 1 YOANE 1-5
“Ka Nyemu Zegino du Nga ti Roni, Watadu Agu Ahe du Rogo Zegino Ya”
(1 Yoane 2:15, 16)
Oni Kakuti Gu Kpiapai Yesu Amoihe
13 Bete aboro rengbe ka berã ya, anga agu apai dunduko du rogo zegino ni irairaha te. Wa vura duhe nga kina rengo du nga gupai re, zegino gbiati agu ahe du rogoho rengbe ka aria berã rani taata kusayo ti mangasunge fu Yekova. Na anga he ho rogo gi zegino re boro ambakadihe tipa si mbedisi rani koyo du Mbori ni te. Sidu, ka ani kpinyemu agu ahe du rogo zegino, zavura agu ahe nitihe agberãnga ya, gure nga ani ima maa ndurani ngba kere gene. (1 Timoteo 6:9, 10) Kurii gure, dungu agu apai du rogo zegino nirengo ni gbegberẽhe na si rengbe arengba ka gbarasapa rani. Ka ani abi asinima watadu terevizioni nga gu nayugo zuũ, nyemu aũzegino, watadu aboro i nikodiba, agu apai re rengbe ka da bangirani ni agu apai agberãnga ya, na fuo gure, si ki moi rani ngba asada. Ka ani akoda tirani na agu aboro du gayo bangua sásá nga ka mbakada gayo gene raka watadu ka zugosi gayo sunge bagaahe, agu apai re kini mo kadu ni gu banguapai a ani ka maaha rogo gaani raka.—Matayo 6:24; 1 AKorindo 15:33.
(1 Yoane 2:17)
w13 8/15 kpe. 27 genewa. 18
Oni Berẽpa Gini Ngbatunga Boro Oni Aida Kadu Nga Ní
18 Gu kurapai berewe rengbe ka undo rani tipa ani sovura kuti ‘agu ahe nga ga zegino’ nga maa ani agu afugo Yoane kurirani yo naya: “Zegino napaya apaya, na gaha nyemuhe: ono gu ni ka amanga gu pai Mbori akpi nyemu he ni nye anye kindi.” (1 Yo. 2:17) Si nangera wa gi ga Satana zegino re nika nyeanye kindi. Wa vura duhe wo, uru adu kinaho si nika dunga ti ni ya. Agu ahe dunduko gi ga Satana zegino re afuhe furani, si anyenga anye kindi te. Pa tingida ani gupai re nika undo rani ka ani mbunga tirani fu ga Bakitingbanga apai ya.
Gbata gu Nyanyakipa Ahe Nga ga Toro
(1 Yoane 2:7, 8)
Agu Atingidapai Nga Ga Yekova Na Nyanyakipaha
14 Vovo Ndiko na dungu atingidapai rogoho tipa ka undo rani ani yugu nyemuse fu akuarani. Yesu aya gu ue bakumba rugute nga, “mo ni kpínyemu kuaro wa mo akpinyemu tiro.” (Mt. 22:39) Wakina gure a, gu wirina Yesu nangia Yakoba aya nyemuse nga “bakindo rugute.” (Yak. 2:8) Gu mokedi nangia Yoane aya: “Abadiangba, vovo rugute mi ake fu roni te, kina gu kuru he nadu be roni ho pai aenge ni: kuru rugute nga gupai oni agi.” (1 Yo. 2:7, 8) Gini rugute Yoane aafura tipaha nga “kuru rugute”? Ko aafura tipa gu rugute nga ga nyemuse. Si adu ni “kuruhe” rogo gu gene nga Yesu aima fura tipaha bete agarã kusayo. Na si adu a ni ‘vovoho’ rogo gu gene nga si aaida abawiriki du na gu nyemuse nika sayo i mbupa kura gayo apai ho i nika gbiatiyo ni na kpakaraapai. Wangia ani ga Yesu abawiriki, si naida ani bi agu azahe naundo rani ani zanga berã kina pa tirani nyanyaki mbiko si nga sino gi zegino re, na si rengbe ka gbarasapa gu nyemuse du ani na ni koyo du akuarani ni.
(1 Yoane 5:16, 17)
it-1-E kpe. 862 genewa. 5
Mbupai
Si rẽarẽ ka manga kparakpee tipa ga Mbori mbupai kuba kura aboro, zavura kuba dungurati naabaha. Mose amangi kina gu bangisa pai re tipa awiri aYisaraere ni kusako gayo ingapai na ki mangi kparakpee tipa i mbupai fuyo, na Yekova aima degatuko kuti gu gako kparakpee re. (Geda 14:19, 20) Berewe a, ti regbo kpara yekaru, Soromo amangi kparakpee nga Yekova mbupai ambu fu gako aboro ka i ingi kutiko na ki ariatiyo ti gayo iraira mangaapai. (1 Aba 8:30, 33-40, 46-52) Ezara amangi kparakpee kuba agu aYudo nakaraga tiyo na ki kusi gayo ingapai gbaiga. Ni sangbana gu kparakpee naaye kina boro ngbaduko yo re, aboro amangipai tipa ka gbia ga Yekova mbupai. (Eza 9:13–10:4, 10-19, 44) Yakoba angarasi gu boro nawoka rogo toro yo ni yambu agu abaakumba nga ga dungurati tipa i kpari kurii ni, na “si ngia ni amangi ingaapai, i avù ni avu ti ni.” (Yak 5:14-16) Ono tie, gu kura ‘ingapai kina ho du sa kpio,’ si nga gu ingapai du kuti ziazia toro, ka i mbunga pai fu boro tipa gu ingapai boro ata ino aino nimangihe te. Si aidanga Kristano mangi kparakpee tipa gu boro namanga gi ngbatunga ingapai re te.—1Yo 5:16; Mt 12:31; Eb 10:26, 27; mo bi SIN, I; SPIRIT.
Geda Ziazia Kekeapai
(1 Yoane 1:1–2:6)
NGBANGBA 11-17
AŨKUMUKO ROGO FUGO MBORI YO | 2 YOANE 1–YUDA
“Ani Duwa ka Ani Sovura Tipa ka Nye Rogo Rengo Yo”
(Yuda 3)
‘Oni Ninyaki Anyaka Rogo Gbia Kindi’
8 Anga ani zanga rugatirani na pa ga Satana abirĩ te mbiko Ziazia Kekeapai nayugo gako bangua abirĩ ayugo fu rani. (2 AKorindo 2:11) Bakitingbanga agbarasipa gu kumuko nangia ga gu ruru kumba nangia Eyobo, ki imi awiriko, ki sa diako ri naatikango na ko, ki ukadi ko na kaza, na ki sa agu abakureako nangia airaziree i naabisira pako zanga nduhe. Rago agberẽ ti Eyobo bakere gbe na ko ki berẽhe ya Mbori aima mbu ko. (Eyobo 10:1, 2) Wa vura duhe nga Satana arengbanga ka manga ngbatunga agi apai re areme ngburungburu te, ngbatunga agi agberãngo re namanga dungu aKristano amanga areme, na Satana rengbe arengba ka mangasunge na gi nyanyaki agberãngo re ni wene birĩ ka kiiso rungo kuti rani.
9 Gu kereapai nga ga toro ima maapai rogo gi yangara arame re. Ani naraka rogo gu zegino gu ome nga ga orafuo aũzegino naima furii ome agu asásá nga ga toro. Aũgbandaka apangbanga nayugo iraira kodaba ya si ni gupai nafu ngbarago angianga gupai nga si naye na bakere gberãrago ya. Na dungu aboro ima sa tiyo ni “akpí nyemu sangba borose susi nyemu Mbori.” (2 Timoteo 3:1-5) Ngbatunga gi gene berãpai re, rengbe arengba ka fuda rani rogo toroyo, kinagu ka ani ‘sovura zaaza tipa gaani idapase.’—Yuda 3.
Gbata gu Nyanyakipa Ahe Nga ga Toro
(Yuda 20, 21)
Memeapai Rogo agu Awaraga aYoane na Yuda Akekehe
Wai rengbe ani ka ‘banda tirani kurogo ga Mbori nyemuse yo’? Ani rengbe ka manga gipai re ngba agene biata: (1) nisonosa ani tirani rogo gaani “ziazia idapase,” nga gupai ani amangaha ni wisigo ani Fugo Mbori zanga nyomoro na ni tungusa ani pai kakaka; (2) nikpara ani “rogo Ziazia Toro yo”; (3) nidu ani na idapase kuti gu motumo tumorii nga ga Yesu Kristo, bambiko si nga guhe rengbe ka undo rani ani gbia nyenye unga.—Yo. 3:16, 36.
(Yuda 14, 15)
“Gako Pai Angba Angba Bangiri Mbori”
Ga Enoka sangbanebi angia gine? Si aya: “Oni ngére, Gbia aye na gako aboro ni dungu kutu yo, ka sapa ngbanga aboro dunduko, ka yugo gayo gbegberẽ mangapai dũ fu azangasinombori dunduko, nga gu azangasinombori anaamanga ni gayo zangasinombori na gu nyanyaki afugo dunduko agu aboro ingapai zanga sino Mbori nagumba kuti ko.” (Yuda 14, 15) Awere tie, gu bambatapai rengbe mo ka bihe nga Enoka aafura wa ka i ya gu pai re aima susa, wa ka i ya Mbori aima manga gupai ko agumba paha rogo gu sangbanebi re. Si nga gu kpiapai agu anebi naye tifuo ko apekafuo ho. Gu pai i aida ka gumbaha nga: Gi nebi re aafura tipa gupai ata manganga ya si ki du wa ka i ya si aima manga!—Yesaya 46:10.
“Gako Pai Angba Angba Bangiri Mbori”
Ga Enoka idapase ima rengba ka sa ro mo sana tiro singia mo nabi gi zegino ani araka rogoyo re wa gu Mbori abihe. Gu sapangbanga Enoka agumbapaha zanga gunde re kindi areme; si naringbisa tihe aringbisa areme wakina wai si adu ti regbo ko. Nibipa ga Enoka zahe, Yekova aye na Ime Akangbii ki gbirisi agu azangasinombori naadu ti regbo Noa. Ono gu gberesa he re nayugo kpia gu bakere gbirisa he naye kumbatayo. (Matayo 24:38, 39; 2 Petero 2:4-6) Kina wai si adu mbata, Mbori ru na badungu amaraika tipa ka ye na ruru sapangbanga kuti agu azangasinombori du rogo gi zegino re. Ani ni basasa si aida ani di gu zahe nga ga Enoka ku ngbaduraniyo na kini gumbapaha fu kura aboro. Gaani aborokporo gbiati abakurearani ima rengba ka kparatiyo tirani. Ani ima rengba ka du ni sarani ti kura aregbo. Ono Yekova aambunga Enoka te; na ko ambunga gako ruru amoyambu areme a te!
Geda Ziazia Kekeapai
(2 Yoane 1-13)
NGBANGBA 18-24
AŨKUMUKO ROGO FUGO MBORI YO | YUGOTI 1-3
“Mi Ini ga Mangaapai”
(Yugoti 1:20).
Gini Ngbatunga Toro Oni Ayugoho?
8 Tipa ka ne ngbatunga gu toro re, si naida ani tingidi gupai nga i fura tipa Yesu rogo Ziazia Kekeapai yo ya ko na “akerekuru saba rogo kumbabeko.” “Akerekuru” narukuba mbedimbedi aKristano na ami rengbe kadu a tipa abaakumba dunduko rogo dungurati. Yesu rengbe ka mangasunge na agi “akerekuru” du beko yo re ngba gu gene ko aida nani. (Yugo. 1:16, 20) Sidu, wangia Yesu Barii gu dungurati nga ga aKristano, ko ima ino agu apai dunduko abaakumba amangaha. Ka si du nga boro dagba abaakumba si aida i rugu ní, guko du ‘bangiriko wa mirãwe’ nabi apai dũ, ko aruga ní ti Gako regbo na ngba wene gene. (Yugo. 1:14) Ono wa du rago re, si naida ani yugu irisa fu agu aboro ziazia toro asia yó bambiko Pauro akepai ki ya: “Oni gí sangba gaoni abaakumba ki nira fu yo; bambiko i nangera tipa pa mbisimoroni, wa i ka ringbisa pai tipa roni; ya i ka manga gere ni ngbarago, ni rungo te: bambiko ka gi ngba nga fu roni te re.”—Eb. 13:17.
(Yugoti 2:1, 2)
Yekova Nabanda Rani Tipa Bata
11 Rogo gu yuguyugupai du rogo Yugoti kapita 2 na 3, Yesu Kristo awisigi agu adungurati saba naadu Asia Minor yo. Gu yuguyugupai re nayugo gupai nga anga Kristo abi kina agu apai naadu tipa agu adungurati re gbua te, ono agu apai naabipa ha ni basasa dunduko. Rogo gu kura aba, ko afura tipa aboro ni basasa, ki ta tambua aguyo kini fu arugute fu agu akurayo. Ginipai gipai re ayugoho? Rogo digisidigisi gu yuguyugupai re, gu saba adungurati re narukuba gu mbedimbedi aKristano natona rogo 1914, na agu arugute ko afuhe fu agu adungurati naadu saba re, si fu agu adungurati nga ga ga Mbori aboro du areme auru kpotosende. Sidu, si rẽarẽ tie ani dakuti gupai nga, Yekova nangbembatayo fu gako aboro areme vurube Wiriko. Wai rengbe ani ka gbia undo ti gu gako ngbe kumbatayo re?
Oni Nindu Sa Na Ga Yekova Riigbu
20 Ndu sa na gu ga Yekova riigbu nasona asona naida gupai berani nga ani inipa gu ga Yesu Kristo sunge fu Mbori he fuko, nga ko duni “ri kanisa.” (AEfeso 5:22, 23) Gu nyakipaha a nga gupai du rogo Yesaya 55:4, yo gumba yo gupai ni fu rani nga: “Oni ngére mi [nga Yekova] fu ko ni dezire fu aboro, ni bangbembatayo fu aboro ni gbia a.” Yesu ima ino wai nzunzu ka ngbembatayo fu rani. Ko ima ino gako avusende na gayo mangaapai a. Nirengo, ho ko aawisigo agu adungurati ni saba nadu Asia Minor yo, ko agumba gupai bara bisue nga: “Mi ini ga mangaapai.” (Yugoti 2:2, 19; 3:1, 8, 15) Yesu ima ino gaani azingo a, wa kinagu ini Bako ho, nga Yekova. Mbata fu gumba Kpia Kparakpee, Yesu aya: “Baroni ini agu apai zingo ho amanga roni, mbata oni nikasana ko ti ni.”—Matayo 6:8-13.
Gbata gu Nyanyakipa Ahe Nga ga Toro
(Yugoti 1:7)
Ga Mbori Kindo Nadia Avuraha Kusayo
10 Takapandepa sapangbanga. I nika manga avura ga Mbori Kindo ngbaome i bi gupai nika kiiso gayo rungo kumbatayo. Yesu aya: “I [nika] bi Wiri boro ko niye rogo mai na bakere tandu na imarago.” (Mk. 13:26) Gu iˈiriwoapai nayugopa ome re nga agu apai nika yugoho nga Yesu ima ye tipa ka takapandepa sapangbanga. Rogo gu kura papara sangbanebi du tipa yangara arame, Yesu fura yo ni bakerehe tipa gu takapandepa sapangbanga nika manga ti gu regbo re. Gupai re gudu rogo gu sanza nga ga akandoro na ameme. (Oni gedi Matayo 25:31-33, 46.) Agu aboro nasongoda ga Mbori Kindo, i nika sapangbanga yo ni “akandoro” na i nika “tumba [riyo],” ka bi gupai nga ‘rago tumo yo nambeda.’ (Rk. 21:28) Ono tie, i nika sapangbanga asogo Kindo ni “ameme” na i nika ‘rúngo arungo’ mbikopa biyo gupai nga “nyenye mbusa [gbarasahe]” napido yo.—Mt. 24:30; Yugo. 1:7.
(Yugoti 2:7)
Memeapai Rogo gu Kitabu Nga Yugoti—Gu Bambata Paparaha
2:7—Gine nga ga “Mbori Paradiso”? Wa duhe nga i agumba agi afugo re fu mbedimbedi aKristano, gu paradizo re rengbe kadu nga gu ngbii nga ngbangbaturũ, yo du Mbori ni. Gu mosoro i nika fuhe fu gu mbedimbedi amoyambu re, si nga i nika ri ‘zuzu gu rindingua nga ga unga.’ I araka gu raka zanga kpio.—1 Kor. 15:53.
Geda Ziazia Kekeapai
(Yugoti 1:1-11)
NGBANGBA 25–BANDURU 1
AŨKUMUKO ROGO FUGO MBORI YO | YUGOTI 4-6
“Abandurii Afarasi Biama”
(Yugoti 6:2)
Abandurii Afarasi Biama Ada Nga Yo?
Da du naora rii pusi farasi? Wiri rifungura tipa ka ino gupai re gu du kina rogo gu bangisa buku re, Yugoti, nga gu nayugo gu bandurii farasi nga ga ngbangbaturũ ko re ni “Ga Mbori Pai.” (Yugoti 19:11-13) Gu rimo nga Pai, nga rimo Yesu, mbiko ko namangasunge ni bagumbapai nga ga Mbori. (Yoane 1:1, 14) Kurii gure, i nayambako nga, “Bakindo ri abakindo, Gbia ri agbia” na i naringbisapa ko ni “Irarengo.” (Yugoti 19:16) Si tie ziazia nga, ko na pagbia ka mangasunge ni Bakindo-Basovura, na ko amanganga sunge na gako ome ngba iraira watadu gbegberẽ gene te. Ono wa vura duhe wo, bete asanahe kinaho nakura.
wp17.3 kpe. 4 genewa. 5
Abandurii Afarasi Biama Ada Nga Yo?
Ti gini regbo agu abandurii afarasi re atona gayo oto? Oni tingidi gupai nga, gu bambata bandurii farasi nga Yesu atona gako oto ho ko agbia kpakpari ni. (Yugoti 6:2) Ti gini regbo Yesu agbia kpakpari nga ga Bakindo ngbangbaturũ yo? Si aadunga ti gu regbo ko azingi be kpio ki ga ku ngbangbaturũ yo te. Ziazia Kekeapai nayugo gupai nga, ko asungudo regbo kindi. (AEbere 10:12, 13) Yesu aima yugo pa gu regbo i nika ino pa digido rago ti ni na pa gu regbo ko nika tona zogarago ti ni ngbangbaturũ yo fu apefuoko. Ko agumba gupai nga ti tonatona gako zogarago, agu apai namanga rogo zegino nika ariatihe ni bagbegberẽ he ki susi. Avura nika du, angbongi, gbiati riri akaza. (Matayo 24:3, 7; Ruka 21:10, 11) Nibasa tifuo Bambata Vura Nga ga Zegino tona rogo gu garã nangia 1914, si aima yugo gupai ziazia nga, awiri aboro ima rimo ku rogo gu regbo re, gu kere regbo nga gu Ziazia Kekeapai ayambaha nga, “kusa rago.”—2 Timoteo 3:1-5.
(Yugoti 6:4-6)
Abandurii Afarasi Biama Ada Nga Yo?
Gi bandurii farasi re narukuba avura. Mo ini gupai nga, ko naye ka dia zereda kusayo angianga be bete aboro gbua ya ono rogo kpotosende dunduko. Rogo gu garã nangia 1914, bambata vura amangi rogo zegino dunduko. Ue vura nga ga zegino nangbefuo ho, nga gu naye na bakere gbarasahe. Kura aboro bi gupai nga, bange agu aboro kpiki mbiko agu avura naatona rogo 1914 ima susa amirioni 100! Kurigure, dungu kura aboro narungo be kura dungu kpakaraapai.
wp17.3 kpe. 5 genewa. 4-5
Abandurii Afarasi Biama Ada Nga Yo?
“Ho ko aukua gu biata dikadika he ni, mi ki gi pa gu biata unga nya, u ki ya, “Mo yé!” Oni ngére, mi ki bi farasi ni bibiri ru; ringbisahe ki du be gu ko nasungu auru ru. Mi ki gi he wa ka fugo poi dagba unga anya biama, niya, “Moduka zendehe wa mapunga sa tipa rukutu marã feda sa, amoduka morũ biata tipa rukutu marã feda sa; ono ka mo gbàrasi nga pa nzeme na imekakue ya.”—Yugoti 6:5, 6.
Gi bandurii farasi re narukuba angbongi. Ani nabi gupai nga gino riahe ima sona. Ritere sa nga ga zende nganu na denario sa, nga gu marã boro anaamangasunge tipa ru rogo uru sa rogo bambata kama agarã (Matayo 20:2) Gi rukutu marã feda re anirengbe ka ngbe aritere nga 3.24 nga ga nganu, aboro anaabi nganu na kikiipaha ti zende ahe. Gi bakio riahe re rengbe ka undo agu aborokporo du ni dunguyo tipa bagizo regbo wai? I naza aboro tipa i mangisunge na marã wenengai zavura tipa agu ahe ani arihe rogo a′uru ni basasa, nga gu narukuba agu ahe naadu ti gu regbo re wa nzeme na imekakue.
(Yugoti 6:8)
wp17.3 kpe. 5 genewa. 8-10
Abandurii Afarasi Biama Ada Nga Yo?
Gu biama bandurii farasi narukuba gu kpio nga gu naye be agberãngbi gbiati gu kura ndu apai. Tifuo gu garã nangia 1914, gu kaza i aayambaha nga Spanish flu aimi aboro nga amirioni bawe. Aboro wa amirioni 500 gi kaza re aziyo, si ki du wa boro 1 dagba rakiraki aboro gi kaza re azi ni!
Ono Spanish flu adu gbua nga tonatona pai. Abangbasia abainipai bi gupai nga, akutu amirioni aboro kpiki be bakofo vuru 20 kama garã. Ka da ku areme, raka nga ga aboro ni kina wiri guruhe be AIDS, dingo, gbiati mararia, wa vura duhe nga, dudunguro wetekapai namanga tipa adawa.
Sangbanaha kina sa, kpio—singia be vura, ngbongi, watadu agberãngbi. Murö nadungura agu aboro nambu be agi apai re, zanga fu maabangirise.
Gbata gu Nyanyakipa Ahe Nga ga Toro
(Yugoti 4:4)
(Yugoti 4:6)
re-E kpe. 76-77 genewa. 8
Iriwo pa gu ga Yekova Mbatabakindo du Ngbangbaturũ Yo
8 Yoane aima ino gupai nga i anaasia aboromotumo tipa i mangisunge rogo gu banye naadu bakuru kusayo. Sidu, si ima rengba ka du nga kina ngbako naazere ka bi gupai ko asakipai tipaha tingbafuoho: ‘Ambatabakindo ki du 24 kirikiri pati gu mbatabakindo re. Mi ki bi abaakumba 24 i sungu auru agi ambatabakindo re, i adu ni ukadiukadi yo ni pusi remu; akpakpari dahabu ki du riyo yo.’ (Yugoti 4:4) Ii, abaakumba 24 naadu kuba aboromotumo, i amoi yo rii ambatabakindo ki moi akpakpari riyo yo wa abakindo. Ada nga agu abaakumba re? I nga gu mbembedi aboro du rogo gu dungurati nga ga aKristano, i azingisi yo na i ki ga ku ngbangbaturũ yo tipa ka dia gu ba Yekova akidoho fuyo. Wai du ani aino gupai re?
re-E kpe. 80 genewa. 19
Iriwo pa gu ga Yekova Mbatabakindo du Ngbangbaturũ Yo
19 Gu unga anya re narukuba ada? Gu yuguyugupai gu nebi nangia Yezekere abihe ima rengba ka undo rani ani gbia karagapai kuti gu sanahe re. Yezekere abi Yekova ko nasungu rii ngbagida ngbangbaturũ yo, unga anya kini gasihe nga agu ra apai adu tipa ra wakina gu Yoane afura tipaha. (Yezekere 1:5-11, 22-28) Kusa, Yezekere abi gu ngbagida nga ga mbatabakindo re berewe unga anya ni gasihe. Bara gere, ko afura tipa gu unga anya re nga akeruba du. (Yezekere 10:9-15) Si ima rengba ka du nga gu unga anya biama Yoane abi ra re narukuba gu dungu akeruba nga ga Mbori—nga gu kusikusiahe du na nyanyakipa yo rogo gu Gako riigbu nga ga toro. Ngba Yoane aazeranga ka bi akeruba i naru mbembedi na Yekova te mbiko rogo gu banye naadu bakuru kusayo, akeruba ue rogo dahabu yo anaasungo rii sanduki mokido nga gu naarukuba ga Yekova mbatabakindo. Dagba agu akeruba re Yekova anaafu aNdiko fu aYisaraere.—Gate 25:22; Atambuahe 80:1.
(Yugoti 5:5)
cf-E kpe. 36 genewa. 5-6
‘Mo Ngére, gu Bahu Nga ga Ngbatunga aYudo Ru’
5 I naringbisa bahu dedede kuti wingbaduse. Ya mo mo arunga kaa ngera ngba bangiro na gu bahu nga bara? Ka si du nga mo aima ru pati ru, si rengbe ka du nga ndugu nakpara ro na u. Wa vura duhe wo vurũ, ngbatungapai wa gure ima rengba ka ba kina gunde tiro. Wa mo angera ku bangiri gi kiki nya du na ome re na u kini ngere ku bangiro yo, mo ima rengba ka bihe nga bahu agundenga be ai he te. Ziazia Kekeapai naya “bahu nga gu ru susi dagba anya dunduko, u ane nga gene fu gu nya te.” (Asanza 30:30) Ngbatunga gu wingbaduse re du Kristo na ni.
6 Ani sakingo pa wai Yesu ayugu gu wingbaduse du wa ga bahu ngba agene biata: ni ru ko kubara rengo yo, ni yugo ko ruru sarangbanga na ni hi ko arungosiro. Ani nika bihe a nga ani dunduko rengbe ka wirika gu wingbaduse Yesu ayuguhe singia i avungurani na wingbaduse watadu i aavunganga rani na ni te.
Geda Ziazia Kekeapai
(Yugoti 4:1-11)