Yakobo Arogo Adee

29:18-28

Yakobo ainongo gini ngbatunga aˈasada ko nika gbiatiko na ni kumbatayo ni sangbana manga ko rogatise te. ARaere na Rea ada ni airasogote. (Bam. P 29:32; 30:1, 8) Ono tie, wa Yakobo avura kaa gbiatiko na aˈasada, ko abi gupai nga Yekova adu na kina ko kindi. (Bam. P 30:29, 30, 43) Ni yangaraha, ngbatunga ko ada nga gu ringara nangia ga aYisaraere.—Rk 4:11.

Ti gi gaani regbo re, agu aboro namanga siapai ka manga rogatise nika gbiatiyo agbia na akpakarapai. (1Kor 7:28) Wa vura duhe wo, i ima rengba ka du na diabese rogo gayo rogatise na kidu na bete ngbarago ni kido yo kuti Yekova na ni mangayo pai kuti agu abangua arengo nga ga Baibiri.—Snz 3:5, 6; Ef 5:33