Weneringise

Gupai Yesu Amangihe

VIDIO: Yesu Nahusa Iravurari

1. Oni bi VIDIO, watadu oni gedi Yoane 9:1-7. Fuoho, oni ki sakipai tipa agi asanahe du kusende re:

1. Ginipai Yesu amangihe mbata​—ko ahusi gu iravurari re watadu ko atungusi wene pangbanga fuko?​—Mo bi Yoane 9:35-38.

2. Tipagine mo abihe ti ni nga gu kumba re adu na nyemu ka degatuko fu Yesu?

Ginipai Ani Awirikaha be Yesu?

2. Si nawira wa boro rengbe ka degatuni gbe kuti gaani pangbanga kina gu ka ni bihe nga ani naberãpa ni aberã.

Oni Wiriki Yesu

3. Mo yugu nunga fu gu boro re. Mo asadi ka berãpa gu bipai du gu boro re na ni.

1. Mo sananga tiro nga: ‘Ginipai rengbe ni kaa bakabangirini tipaha? Ginipai rengbe ni ka bihe ni pa undo na ngba ti ni?’ Manga mo ho wo nika undo ro mo yugu ndikidi weneringise ngba wene gene.

2. Mo degeturo funi. Ho mo amangaha ni wo, mo nayugoho nga mo naberãpa gupai aberã du na nyanyaki paha fu ni. Ka ni pe gu bipai foro du ni na ni tipa kura pai watadu ka pepa gu kpakarapai foro ni agbia tini na ni, ka mo arianga gupai re ya.

4. Mo fura ni weneringise na rogo irisa. Ho mo ayugo nunga ni fu boro na kidu na nyemu ka undo ni nzunzu, si nika yugo tihe ngba gu gene mo afura ngbaha. Mo du na rubangirise na gupai mo apehe na gu gene mo apehe ngbaha, na mo ne pe agu apai rengbe ka ba gberãrago ti ni.

5. Mo fu undo. Mo ngere tipa wene amomu ka undo boro rogo mangimangipai yo. Gu mangapai nga ga weneringise ima rengba ka zaka gene tipa fugodagbase.