AGU ASANAHE ZIAZIA KEKEPAI AKARAGAPAI KUTINI

Ya mo mo rengbe ka giarogo Ziazia Kekeapai yo?

Ziazia Kekeapai nga Fugo Mbori. Si wakina gu waraga naye be gu baagude duna nyemuse. (2 Timoteo 3:16) Rogo Ziazia Kekeapai, Mbori nasaka wai rengbe ani ka sa ngbarago tiko, ndu gupai ko ambugene ti ni fu arungo, na gupai ko nika mangaha fu aboro kumbatayo. Ono abayugu pambori ima vundo gu yugopai nga ga Ziazia Kekeapai, nisangbana gipai re, badungu aboro naberãha nga ka i ginga rogoyo te.​—Amokedi 20:29, 30.

Yekova Mbori naida ani ini rengo tipa ko. Si nga ndu gupai ko nafu gu buku ti ni furani rengbe ani arengba ka giarogoyo.​—Oni gedi 1 Timoteo 2:3, 4.

Wai rengbe mo ka giarogo Ziazia Kekeapai yo?

Kupati Ziazia Kekeapai, Yekova naundo rani tipa ani girogoyo. Ko akedi Yesu tipa ko yugupai furani. (Ruka 4:16-21) Yesu aundo agu aboro naadegatuyo fuko tipa i girogo Ziazia Kekeapai yo, kini yugu bara apai fuyo rogo Ziazia Kekeapai gu tifuo kuraha.​—Oni gedi Ruka 24:27, 32, 45.

Yesu asigira gu dungurati nga ga aKristano tipa si nindu na gu sunge ko atonaha re kumbatayo. (Matayo 28:19, 20) Areme, apefuo Yesu naundo aboro i girogo agu apai Ziazia Kekeapai ayugoho furani tipa Mbori. Ka mo aida ka giarogo Ziazia Kekeapai yo, aDezire Yekova nikadu na ngbarago tipa ka undo ro.​—Oni gedi Amokedi 8:30, 31.