Agu Asanahe Ziazia Kekepai Akaragapai Kutini

Ya mo maabangirise ho tipa kpikpi aboro?

Kpio wakina rame mbiko kpikpi aboro ainongo pai te na ka i mangingo wiripai a te. Ono tie, gu boro nakusi unga rengbe arengba ka zingisa agi aboro re. Mbori afu ome fu Yesu tipa ko zingisi kpikpi aboro tipa ka yugo na ni nga rengo du.​—Oni gedi Batungusipai 9:5; Yoane 11:11, 43, 44.

Mbori ima kidohe nga gu kpikpi aboro du berãko yo ko nika zingisayo tipa i raki rogo gu vovo zegino nga ga rurupai. Agu aboro si aida Mbori zingisi yó, i nika nye kina murã yo daho Mbori nika fu unga ni berewe fuyo. Mbori Du na Tanduapai Dũ na nyemu ka mangasunge na gu ome du ko na ni tipa ka zingisa kpikpi aboro.​—Oni gedi Eyobo 14:14, 15.

Zinga be kpio nika du wai?

Ho Mbori nika zingisa aboro ni, agu aboro re nika ino tiyo aino, abakureayo, gbiati gayo aborokporo. Ka si vura du nga kpoto boro nika zirã, Mbori nika zingisa gu bangisa boro re na vovo kpoto tiní.​—Oni gedi 1 AKorindo 15:35, 38.

Kina bete aboro ni wiri umbayo i azingisa yó i ga ku ngbangbaturũ yo. (Yugoti 20:6) I nika zingisa gi dungu aboro re tipa i raki rogo paradizo auru kpotosende. Agi aboro re nika tona ka raka gu raka adunga digidoho ti ni ya.​—Oni gedi Atambuahe 37:29; Amokedi 24:15.