“Ani Bi Masiya”

Fuo biama kama agarã kusa fuo nyasa yo ke gu yangara kitabu nga ga Kuru Ndiko, ga Mika sangbanebi tipa Masiya adigisitihe na i ki vungu Yesu Betereme yo. Agarã wa 30 kusa, rogo gu garã nangia 29 ti gaani regbo, bambata papara ga Daniere sangbanebi tipa ye Masiya adigisitihe. I abapatiza Yesu na Mbori ki mbedi ko ni ziazia toro. Gipai re amangi kina boro ti regboho, gu Masiya i asungudo ko nga tita dee ada!

Yesu atona gako sunge nibasa nga ga ‘tungusapai ki niyugu gu wene pangbanga nga ga ga Mbori ngbi.’ (Ruka 8:1) Yesu angia bayee boro na kini bakibangiriko tipa kura aboro kina wai sangbanebi agumbaha. Gako yugopai aima ngba na ko ahusi aboro be “ngbatunga akaza na awokote dunduko,” nga gu nayugo gupai nga Mbori adu na kinako. (Matayo 4:23) Gu ngbatunga aboro dunduko naagbe koyo du Yesu ni, i dũ naidi kuti gupai nga: “Ani bi Masiya.”​—Yoane 1:41.

Yesu ape gupai nga mbata fu gako Kindo tona zogarago, avura, abazigizo, na gu kura dungu gbegberẽ apai nika manga rogo zegino. Si du ko azinahe fu aboro dunduko nga, “Oni ngére angera” kindi.​—Marako 13:37.

Yesu angia gu boro ingapai adunga tiní ya na ko anye ni ruruko fu Mbori, ono avurako ki imiko. Pa kpiko afu gu motumo narẽ tipa ka ngbe guhe Adamu na Eva aingisihe nga nyenye unga rogo Paradizo.

Kpio Yesu adigisi sangbanebi, Mbori azingisiko fuo arame biata ni gu toro naadu na bakere ome. Fuo gure, ko akuru fuo gako abawiriki bangeyo aima susa 500. Mbata fu ko ga ku ngbangbaturũ yo, ko afu sunge fu apefuoko nga i tungusi wene pangbanga tipa ko na gako Kindo fu “arikaaboro dunduko.” (Matayo 28:19) Wai gu i amangi gi gayo sunge re?

​—Mburu agi apai re rii Matayo, Marako, Ruka, Yoane, 1 Akorindo.