Mo Undo Gamo Abawiriki Baibiri Tipa I Naandu Tipa Adunguratise

Adunguratise nga nyanyaki papara ndikidi irisombori. (Tam 22:22) Agu aboro nadunguratiyo ka iriso Yekova nagbia ngbarago gbiati amaku. (Tam 65:4) Abawiriki Baibiri ni namanga sonakumbatayo niipo ho i andu ni tipa adunguratise dedede.

Waigu rengbe mo ka undo gamo bawiriki Baibiri niye tipa adunguratise? Mo niyambu yo tipaha. Mo yugu gu vidio fuyo nga Ginipai Ninaamanga Bambu Kindo Yo? Mo sakipai fuyo tipa agu aundo du ti adunguratise. (lff wirikapai 10) Mo ima rengba ka pe gupai fuyo mo awirikihe ti regbo adunguratise watadu gupai i nika sakapai tipaha ti regbo gu dunguratise nika ye kumbatayo. Mo fu gu waraga i nika sakapai rogoho fu gamo Bawiriki Baibiri. Berewe a, mo undo ni rogo mangimangipai yo. Si rengbe ka du nga ni naida na undo tipa ka ndu tipa adunguratise. Gu asadatise mo nika mangaha nika du adu na undo ti ni, ho mo nika bi gamo bawiriki Baibiri ni ni naye tipa dunguratise ti bambata regbo.​—1 Kor 14:24, 25.

ONI MOI GU VIDIO NGA MO UNDO GAMO ABAWIRIKI BAIBIRI TIPA I NAANDU TIPA ADUNGURATISE, NA FUOHO ONI KI KARAGAPAI KUTI AGI ASANAHE RE:

• 

  Gini momu Neeta amangisunge na ni tipa ka yamba Jade tipa adunguratise?

• 

  Tipagine ani naagbia ngbarago ti ni ho gaani bawiriki Baibiri aye ni tipa adunguratise?

• 

  Ginipai Jade abihe ho ri anduni tipa dunguratise ni bambata ha?