Goniʼ xomod órni raninélo buñ

Ni buny Felipe

VIDEO: Felipe rony predicarbu toib eunuco etíope

1. Bibiʼ VIDEO o bíil Hechos 8:30, 31. De ngú gon ximod rarexa guirá galrranabdiitz reʼ:

1. ¿Ximod gosaló Felipe goniné etíope?

2. ¿Xigony mod gosalóbu biiybu diitz né bisuidybu toib cós copy buñguieeu reʼ, gocni xomod órni raninéno buñ guirá ór?

¿Xí rasuidyno de ejemplo xtuny Felipe?

2. Pal órni rooyno diitz né buñ ni ná la Biblia, ronyno láani xomod órni raninéno buñ guirá ór, buñ labúu guisac sacró né lóono, né guisaguelyibu guicadiagyibu ni ná la Biblia.

Bisuʼ Felipe

3. Bibiʼtzay mod ronybu. ¿Xí raslooy mod rony buñ ló, o mod rasisbu órni caninélo láabu? ¿Raslooybu que nainy guiniʼbu la? Toib mod senciy ni labúu salólo guiniʼlo né buñ ni sieed ló la Biblia, láani ngú guinabdiitzlo láabu: «¿Ma nanlo que…?». Pal toib buñ diti ná guiniʼ, diti gonynudylo láabu.

4. Gop paseins. Diti gonylo pensary que nimaca salólo guiniʼlo ni sieed ló la Biblia. Golés ór ni más galán par gonylo láani né buny láani xomod órni raninélo buñ guirá ór. Pentzi non cuéslo dada stoib ór ni tzáguenlo láabu par guininélo láabu xtiitz Dios.

5. Goniʼ ni nainy buñ gan. Pentzi ni guiniʼto guinásni niis guixlas. Xalagary guiniʼlo de tema ni ma bunylo pensary, bitzaʼ láani né goniʼ de cós ni buñcu rioʼ galrrasaʼ.