Diti guiañ tzáguenlo buñ ni goninélo

Ni buny Pablo

VIDEO: Pablo diti rareʼgan né raniʼrabu diitz sacró lainy gudx Éfeso

1. Bibiʼ VIDEO o bíil Hechos 19:8-10. De ngú gon ximod rarexa guirá galrranabdiitz reʼ:

1. Ná goyoʼ tipnés buñ ni diti bicadiag mensaj ni goniʼ Pablo, ¿ximod nanno que Pablo diti bireʼgan?

2. ¿Balac buelt goniné Pablo buñ ni goniiny ñan de Jehová, né por balac tiemp bunybu láani?

¿Xí rasuidyno de ejemplo xtuny Pablo?

2. Par gonyno revisit né saló guisuidyno buñ ni ná la Biblia, raquiin cueʼno tiemp né gonyno rutirigaʼlni lóono.

Bisuʼ Pablo

3. Goyguen buñ ni goninélo órni labúuni láabu. Gonabdiitzca looy: «¿Pu ór napbu tiemp par guininébu naʼ? ¿Púti rioladxbu guibiʼdo saʼdo?». Gosaguel tzáguenlo buñ, ná moda noʼ xchiinlo órcu.

4. Gonabdiitz buñ pu ór labúu gooyto diitz stoib. Diti guichoclo ló ni caniʼlo pal yása guiniʼto ór né dzú ni tzáguenlo láabu. Né diti gony faltlo dzúcu.

5. Diti guireʼganlo. Diti gonylo pensary que buñ ni goninélo diti nainy gan ni rasuidy la Biblia nosi portín diti rigaʼlo láabu rioʼ o portín nogoluʼ xchiimbu (1 Cor. 13:4, 7). Diti guiañ tzáguenlo buñ ni goninélo né biyopyra láabu, per biquiintzay xtiemplo (1 Cor. 9:26).