Galrrioʼob ni rac xtol guerr

Gary, de gudx Gran Bretaña ná: «Guirá ór rac cós nadzuʼpy ronoʼlo. Rabiʼlo ximod ragaityibu buñ o rabeʼ heridyibu buñ. Guirá ór ronylo pensary que tzoʼ ni guisaclolo».

Wilmar, de gudx Colombia ná: «Napa herid xtuny bal lomxitza né lóoya, né bibiʼya ximod bigaityibu xidal buñ, dada mbioxien né buñgol. Guerr rony nagudxni xcalnabanylo».

Zafirah, de gudx Estados Unidos ná: «Órni rioʼ ni ragaity buñ nislólo, dipa labúu rabeʼlo láani guiclo. Mod racaʼyibu rudx, mod ribdxaʼyibu, xcalrrioʼobyibu…, dipa rialadxlo buñcu».

Olexandra, de gudx Ucrania ná: «Buni pensary que dipa labúu ñoʼ nakita stoib. Radzuibylo gaitylo, per diti ngú ni más feo, radzuibylo gaity xfamilo né ximiglo».

Daler, de gudx Tayikistán ná: «Gosagaʼya desde las dos tayoo dada las once goxin par nacaʼya tidxó galrro. Ni goyoʼya cú né buni pensary que ortísi labúu nalaa toib bal naʼ nigolú bitzuibyni naʼ».

Marie, de gudx Ruanda ná: «Bixiosa né xinaʼya goityibu ló guerr. Biaʼanna bisapy, diti goyoʼ chú ñan né nasialdó naʼ».