Ingabe Uyazi?
(Izimpendulo zale mibuzo zingatholakala ezikhombweni zeBhayibheli ezinikeziwe, kanti uhlu oluphelele lwezimpendulo lunyatheliswe ekhasini 19. Ukuze uthole ukwaziswa okwengeziwe, bheka incwadi ethi “Insight on the Scriptures,” enyatheliswa oFakazi BakaJehova.)
1. Yini abalandeli bakaJesu abayitholayo lapho begcotshwa ngomoya ongcwele? (Heberu 3:1)
2. Kungani uJehova etha indodana kaHoseya yesibili ngomkakhe uGomere ngegama elibikezela okubi elithi Lo-Ami? (Hoseya 1:9)
3. NgokukaJakobe, iyiphi imfanelo ukuhlakanipha kwasezulwini okuyiveza kuqala kumuntu? (Jakobe 3:17)
4. Yini uNebukadinesari ayenza ngokushesha ngemva kokuba uDaniyeli echaze isithombe esisephusheni? (Daniyeli 2:46, 47)
5. Yimiphi imibala yokudaya eyayisetshenziswa kakhulu etabernakele nasezingutsheni zabapristi? (Eksodusi 28:6)
6. Lapho esosizini, umhubi wazizwa njengaziphi izinyoni? (IHubo 102:6)
7. Yiliphi isango uJesu athi umuntu kufanele angene ngalo ukuze athole “umgwaqo oholela ekuphileni”? (Mathewu 7:13, 14)
8. Kungani uMose azimboza ubuso lapho enikeza abantwana bakwa-Israyeli imiyalo kaNkulunkulu? (Eksodusi 34:35)
9. Nakuba u-Amasa asekela u-Abisalomu ngokumelene noDavide, uDavide wathi umnika ngasizathu sini isikhundla sikaJowabe sokuba induna yempi? (2 Samuweli 19:13)
10. Imana ama-Israyeli ayelithola ngokuyisimangaliso njengokudla ehlane lalehla nani? (Numeri 11:9)
11. AbaFarisi bazama kanjani ukuyenga uJesu ukuba avukele amaRoma? (Mathewu 22:15-21)
12. UJokebedi walufihla kanjani usana lwakhe ‘oluhle’ olunezinyanga ezintathu, kanjalo wasindisa ukuphila kwalo? (Eksodusi 2:2-10)
13. Yini uBileyamu ayala uBalaki ukuba ayenze ezindaweni ezintathu eziphakeme? (Numeri 23:1, 14, 29)
14. Mangaki amadodana kaHamani abulawa ngamaJuda enqabeni yaseShushani? (Esteri 9:12)
15. Yiziphi izinto ezingavamile ezenzeka lapho abafundi bakaJesu behlangene eJerusalema ngosuku lwePhentekoste lika-33 C.E.? (IzEnzo 2:2-6)
16. Yiziphi izaba uJonathani aziveza kuSawule zokuthi kungani uDavide ayengezanga ukuzokudla nabo? (1 Samuweli 20:6)
17. Yini uJohane ayibona kuqala embonweni wakhe wesambulo? (IsAmbulo 1:12)
18. Yini “isixuku esikhulu” esimemezela ukuthi ivela kuNkulunkulu naseWundlwini? (IsAmbulo 7:9, 10)
19. NgokukaPawulu, yayiyini injongo yo-Mthetho KaMose, futhi wadluliselwa kanjani? (Galathiya 3:19)
20. Yiziphi izinto ezimbili ama-Israyeli ayenqatshelwe ukuzidla? (Levitikusi 3:17)
21. Ungubani umuntu wokuqala okubikwa ukuthi wasebenzisa igama likaNkulunkulu? (Genesise 4:1)
22. Kwa-Israyeli wasendulo, kwakuboniswa kanjani ukuthi umuntu wayekhethé ukuhlala eyisigqila? (Duteronomi 15:17)
23. Kungani u-Ezra ayala ukuba kuzilwe ukudla emfuleni i-Ahava eBabiloni? (Ezra 8:21)
Izimpendulo Zemibuzo
1. ‘Ukubizwa kwasezulwini’ ukuba bayoba amakhosi nabapristi noJesu Kristu
2. Ukuze abonise ukuthi wayemlahlile u-Israyeli ongenalukholo
3. Ubumsulwa, noma ukuhlanzeka kwenhliziyo
4. Wawa phansi, wakhuleka kuDaniyeli, wayesedumisa uJehova
5. Oluhlaza, obubende nobomvu
6. Ivuba nesikhova
7. ‘Isango eliwumngcingo’
8. ‘Babukhazimula’ ngemva kokuba uNkulunkulu ekhulume naye
9. UDavide wathi ‘wayeyithambo’ lakhe “nenyama” yakhe
10. Namazolo
11. Ngokubuza ukuthi ‘kungokomthetho yini ukukhokha intela yekhanda kuKesari noma cha’
12. Walufaka ebhokisini lebungu elingangeni manzi ngasosebeni lomfula iNayile, lapho latholwa khona yindodakazi kaFaro
13. Wamyala ukuba akhe ama-altare angu-7 futhi anikele ngenkunzi nenqama kuwo wonke
14. Ayeyishumi
15. Kwavela umsindo ezulwini, ‘kwabonakala okunjengamalangabi’ kumfundi ngamunye, futhi abafundi bagcwala umoya ongcwele baqala ukukhuluma izilimi ezihlukahlukene
16. Wathi uDavide wayeye eBetlehema emhlatshelweni womkhaya wakubo wonyaka nonyaka
17. Izinti zezibani ezingu-7 zegolide
18. Insindiso
19. “Ukuze wenze ukweqa umthetho kubonakale.” “Wadluliselwa ngezingelosi ngesandla somlamuleli”
20. Amanoni negazi
21. U-Eva
22. Indlebe yesigqila yayibhotshozwa ngosungulo
23. Ukuze abavela ekuthunjweni bazithobe phambi kukaJehova futhi bafune “indlela emhlophe” kuye