Ukusuka Endalweni Kuya KuZamcolo

Wavelaphi umhlaba nezulu? Ilanga, inyanga nezinkanyezi kanye neziningi izinto ezisemhlabeni, kwaba khona kanjani? IBhayibheli linikeza impendulo yeqiniso uma lithi kwadalwa uNkulunkulu. Ngakho incwadi yethu iqala ngezindaba zeBhayibheli eziphathelene nendalo.

Indalo yokuqala kaNkulunkulu, esifunda ngayo, kwakungabantu bomoya abafana naye. Babeyizingelosi. Kodwa umhlaba wawudalelwe abantu abanjengathi. Ngakho uNkulunkulu wenza indoda nowesifazane u-Adamu no-Eva wababeka ensimini enhle. Kodwa abamlalelanga uNkulunkulu balahlekelwa yilungelo lokuqhubeka bephila.

Sekukonke, kusukela ekudalweni kuka-Adamu kuze kube uZamcolo, kwakuyiminyaka eyi-1 656. Phakathi nalesi sikhathi kwakunabantu abaningi ababi abaphila. Ezulwini, kwakunabantu abayimimoya engabonakali, uSathane nezingelosi zakhe ezimbi. Emhlabeni, kwakukhona uKhayini nabaningi abanye abantu ababi, kuhlanganise namadoda anamandla angavamile. Kodwa futhi kwakunabantu abahle emhlabeni—u-Abela, u-Enoke, noNowa. ENgxenyeni YOKUQALA sizofunda ngabo bonke laba bantu nezenzakalo.